Skip to content
816 Хадистер

Пайгамбар хадистеринин энциклопедиясы

Жыйынтыктарды чыпкалоо

816 карточканын 8

Чыпкаларды алып салуу

Хадистин даражасы

Риваят кылынган булак

Аллахтын элчисине (ага Аллахтын тынчтыгы жана мактоосу болсун) Аллахтан башка ибадат кылууга татыктуу кудай жок экенине жана Мухаммад анын элчиси экендигине күбөлүк берүүгө, намаз окууга, зекет берүүгө, (башчыны) угууга жана баш ийүүгө, бардык мусулмандарга насаат кылууга ант-убада бердим.
Сахих (ишенимдүү) Муттафакун алайхи (хадистин ишенимдүүлүгүнө бир ооздон макулдашылган)
التصنيف الشرعيالأخلاق الحميدة، حكم الأمر بالمعروف والنهي عن المنكر، حق الإمام على الرعية، وجوب الصلاة وفضلها وحكم تاركها، وجوب الزكاة وحكم تاركها، الإسلامموضوعات الحديثالزكاة ومكانتها، أهمية التوحيد، النصيحة، أحكام الإمامة، مكانة الصلاة وفضلهامحاور التعريف بالإسلامأركان الإسلام
Аллахтын Элчиси (ага Аллахтын тынчтыгы жана мактоосу болсун) Бани Сулайм уруусунун садакаларын жыйноого Ибн Аль-Лутбийя деген бир адамды дайындады. Ал келип, эсеп бергенде: «Бул силердин мал-мүлкүңөр, ал эми бул мага берилген белек» - деди. Ошондо Аллахтын Элчиси (ага Аллахтын тынчтыгы жана мактоосу болсун): «Эгер сен чынчыл болсоң, ата-энеңдин үйүндө отурбайт белең, белегиң сага өзү келмек бекен?!» - деди. Андан кийин ал бизге хутба айтты, Аллахка мактоо айтып, даңазалап анан мындай деди: «Андан соң, Аллах мага тапшырган иштерге мен силерден бир адамды дайындаймын. Анан ал келип: "Бул силердин мал-мүлкүңөр, ал эми бул мага берилген белек" - деп айтат. Ал ата-энесинин үйүндө отура бербейт беле, белеги ага өзү келмек бекен?! Аллахка ант ичем, силердин кимиңер өз акысы болбогон нерсени алса, Кыямат күнү ал ошол нерсени көтөргөн абалда Аллахка жолугат. Мен силерден кимдир бирөөнүн боздогон төө, же мөөрөгөн уй, же маараган койду көтөрүп Аллахка жолукканын албетте тааныймын». Андан кийин ал колтугунун агы көрүнгөнгө чейин колун көтөрүп: «Оо, Аллах, мен жеткирдимби?» - деп айтты. Муну көзүм көрүп, кулагым укту.
Сахих (ишенимдүү) Муттафакун алайхи (хадистин ишенимдүүлүгүнө бир ооздон макулдашылган)
التصنيف الشرعيالهبة والعطية، حقوق الرعية على الإمام
"Ким бизге каршы курал көтөрсө, анда ал бизден эмес".
Сахих (ишенимдүү) Муттафакун алайхи (хадистин ишенимдүүлүгүнө бир ооздон макулдашылган)
التصنيف الشرعيالمجتمع المسلم، حد قطاع الطريق، حد أهل البغي، الخروج على الإمامموضوعات الحديثقتل النفس، الظلم، الآداب
"Баарыңар кайтаруучусуңар жана кайтарганыңарга жоопкерсиңер. Адамдарга кайтаруучу болгон башчы аларга жоопкер. Эркек киши үй-бүлөсүн кайтаруучу, ал аларга жоопкер. Аял киши күйөөсүнүн үйүнө жана балдарына кайтаруучу, ал аларга жоопкер. Кул кожоюнунун мал-мүлкүнө кайтаруучу, ал ага жоопкер. Билип алгыла, баарыңар кайтаруучусуңар жана баарыңар жоопкерсиңер".
Сахих (ишенимдүү) Муттафакун алайхи (хадистин ишенимдүүлүгүнө бир ооздон макулдашылган)
التصنيف الشرعيالمجتمع المسلم، حقوق الرعية على الإمام، العشرة بين الزوجين، تربية الأولادموضوعات الحديثحق الزوج، حق الزوجة، حقوق الأولاد، أحكام الإمامةمحاور التعريف بالإسلاممحاسن الأخلاق
"Аллахтын Элчиси, саллаллаху алейхи уа салламга, биз кыйынчылыкта да, жеңилдикте да, даяр турганыбызда да, жактырбай турганыбызда да (башчыны) угуп, моюн сунууга, бизге каршы терс таасир этсе да жана бир иште алар менен талашып-тартышпашыбызга жана кайда болсок дагы Аллахтын ыраазычылыгы үчүн айыптоочунун жемелөөсүнөн коркпой чындыкты айтууга байъат (2) бердик".
Сахих (ишенимдүү) Муттафакун алайхи (хадистин ишенимдүүлүгүнө бир ооздон макулдашылган)
التصنيف الشرعيالأخلاق الحميدة، حق الإمام على الرعية، الخروج على الإمامموضوعات الحديثالأمر بالمعروف والنهي عن المنكر، الصدق، أحكام الإمامة
«Аллах жоопкер кылып койгон пенде, ал өлөөр күнүнө чейин карамагындагыларды алдап жүрүп өлсө, Аллах аны бейишке кирүүсүн арам кылат».
Сахих (ишенимдүү) Муттафакун алайхи (хадистин ишенимдүүлүгүнө бир ооздон макулдашылган)
التصنيف الشرعيأحكام الإمامة، حقوق الرعية على الإمامموضوعات الحديثالغش، أحكام الإمامةمحاور التعريف بالإسلاممحاسن الأخلاق، عدل الإسلام
Пайгамбар (ага Аллахтын тынчтыгы жана мактоосу болсун) бир канча сахабаларды жиберип, аларга ансарлардан бир кишини башчы кылып дайындады жана ага баш ийүүнү буйрук кылды. Ал ачууланып: «Пайгамбар (ага Аллахтын тынчтыгы жана мактоосу болсун) силерге мага баш ийүүнү буйрук кылбады беле?» - деди. Алар: «Ооба», - дешти. Ал: «Анда мага отун чогултуп келгиле», - деди. Алар отун чогултуп келишти. Анан ал: «От жаккыла», - деди эле, алар от жагышты. Андан соң: «Отко секиргиле!» - деп буйрук берди. Алар отко кирүүгө камынышты, бирок бири-бирин кармап: «Биз оттон (тозоктон) качып Пайгамбарга (ага Аллахтын тынчтыгы жана мактоосу болсун) келбедик беле!» - дешти. Алар от өчкөнгө чейин ушул абалда турушту, анын да ачуусу тарады. Бул кабар Пайгамбарга (ага Аллахтын тынчтыгы жана мактоосу болсун) жеткенде, ал: «Эгерде алар отко киришкенде, андан Кыямат күнүнө чейин чыгышмак эмес. Чынында, баш ийүү жакшы иштерде гана болот», - деп айтты.
Сахих (ишенимдүү) Муттафакун алайхи (хадистин ишенимдүүлүгүнө бир ооздон макулдашылган)
التصنيف الشرعيأحكام الإمامة، غزواته وسراياه صلى الله عليه وسلم
"Келечекте өзүмчүл башчылар жана диниңерде жек көргөн иштер болот". О, Аллахтын элчиси, (ал учурда) бизди эмне кылууга буйруйсуң - дешти (сахабалар). "Силердин моюнуңардагы милдетиңерди аткара бергиле, акыңарды Аллахтан сурагыла" - деди.
Сахих (ишенимдүү) Муттафакун алайхи (хадистин ишенимдүүлүгүнө бир ооздон макулдашылган)
التصنيف الشرعيحقوق الرعية على الإمام، حق الإمام على الرعية، أشراط الساعةموضوعات الحديثالصبر، أحكام الإمامة، أشراط الساعة