Skip to content
816 Хадистер

Пайгамбар хадистеринин энциклопедиясы

Жыйынтыктарды чыпкалоо

816 карточканын 64

Чыпкаларды алып салуу
"Биз Аллахтын элчисинин (ага Аллахтын тынчтыгы жана мактоосу болсун) тегерегинде олтурган элек. Жаныбызда Абу Бакр, Умар жана бир топ адамдар бар эле. Бир маалда Аллахтын элчиси (ага Аллахтын тынчтыгы жана мактоосу болсун) ордунан туруп кетип, ошол бойдон көпкө кечикти. Көпкө келбеген соң, биз ага кимдир бирөө тарабынан кол салуу болдубу деп чочулап ордубуздан туруп издей баштадык. Биринчилерден болуп чочулаган мен болдум. Аллахтын элчисин (ага Аллахтын тынчтыгы жана мактоосу болсун) издеп, бани Нажжар уруусундагы бир ансардын багына келдим. Эшигин таппай анын дубалын айланып чыктым, акыры дубал түбүнөн сырттан суу агып кирчү оюгун таап, ошол жерден кысылып кирдим. Кирсем, Аллахтын элчиси (ага Аллахтын тынчтыгы жана мактоосу болсун): «Абу Хурайрасыңбы?» - деди. Мен: Ооба, оо, Аллахтын элчиси, - дедим. «Бул жакка эмнеге келдиң?» - деди. Сиз биз менен олтуруп, анан туруп кеттиңиз, ошол бойдон көпкө кечиктиңиз. Көпкө келбеген соң, биз сизге кимдир бирөө тарабынан кол салуу болдубу деп чочулап ордубуздан туруп издей баштадык. Биринчилерден болуп чочулаган мен болдум. Анан бул дубалга келип, ичине түлкү сойлогондой сойлоп кирдим, тигилер болсо менин артымда, - дедим. Ошондо ал: «Оо, Абу Хурайра» - деп, мага эки кепичин берди да, анан: «Менин бул эки кепичимди ал да, бул дубалдын артында сага жолуккан кимиси: "Аллахтан башка сыйынууга татыктуу кудай жок" - деп, чын жүрөгүнөн күбөлүк берсе, аны бейиш менен сүйүнчүлө» - деди. Мен эң биринчи эле Умарды жолуктурганымда, ал: Бул эки көлөч эмне, оо, Абу Хурайра? - деп сурады. Бул Аллахтын элчисинин (ага Аллахтын тынчтыгы жана мактоосу болсун) эки кепичи, мага жолуккан кимиси: "Аллахтан башка сыйынууга татыктуу кудай жок" - деп чын жүрөгүнөн күбөлүк берсе, аны бейиш менен сүйүнчүлөө үчүн ал мени булар менен жөнөттү, - дедим. Ошондо Умар менин көкүрөгүмө колу менен катуу уруп жибергенде чалкаман кулап түштүм. Ал мага: Артка кайт, оо, Абу Хурайра, - деди. Мен Аллахтын элчисине (ага Аллахтын тынчтыгы жана мактоосу болсун) кайтып келип, өксүп ыйлап жибердим. Умар да артымдан жете келди, көрсө ал мени ээрчип келген экен. Аллахтын элчиси (ага Аллахтын тынчтыгы жана мактоосу болсун): «Сага эмне болду, оо, Абу Хурайра?" - деди. Мен Умарга жолукканымда, мени эмне менен жөнөткөн болсоңуз, ошону ага айттым, ошондо ал көкүрөгүмө катуу уруп жиберди эле, чалкаман кулап түштүм. Анан ал мага: Артка кайт, - деди, - деп айттым. Аллахтын элчиси (ага Аллахтын тынчтыгы жана мактоосу болсун): «Оо, Умар, мындай кылууңа эмне түрткү болду?» - деди. Ал: Оо, Аллахтын элчиси, атам менен энем сизге курман болсун! Абу Хурайрага эки кепичиңизди берип, ал кимиси Аллахтан башка сыйынууга татыктуу кудай жок - деп чын жүрөгүнөн күбөлүк берсе, анын бейишке кирерин сүйүнчүлөө үчүн жөнөттүңүз беле? - деди. Ал: «Ооба», - деди. Ал: Андай кылбаңыз, адамдар буга гана таянып калышат деп корком. Аларды тек коюңуз, амал кылышсын, - деди. Аллахтын элчиси (ага Аллахтын тынчтыгы жана мактоосу болсун): «Анда аларды тек койгула» - деди."
Сахих (ишенимдүү) Муслим жазып калтырган.
التصنيف الشرعيتوحيد الألوهية
"Менин үммөтүмдүн акыркыларынан силер да, силердин атаңар да укпаган нерсени айта турган адамдар чыгат. Андыктан силер да алардан сак болгула".
Сахих (ишенимдүү) Муслим жазып калтырган.
التصنيف الشرعيموقف أهل السنة من أهل البدع، أهمية السنة ومكانتها، أشراط الساعةموضوعات الحديثأشراط الساعة، الكذب على الله ورسوله، البدعة
Мен: О, Аллахтын элчиси, мага Исламдагы бир сөздү үйрөт, ал жөнүндө сенден башка эч кимден сурабаймын, - дедим. Ал: "Аллахка ыйман келтирдим" дегин, анан түз жүргүн" - деди.
Сахих (ишенимдүү) Муслим жана Ахмад жазып калтырган.
التصنيف الشرعيتزكية النفوس، الإيمان بالله عز وجل، الإسلام، الإيمانموضوعات الحديثالإيمان بالله تعالى
"Мухаммаддын жаны колунда турган Аллахка ант болсун, яхудий болобу, христиан болобу бул үммөттөн ким мен (жөнүндө) угуп, кийин мен жиберилген динге ишенбей өлүп кетсе, тозок ээлеринен болот".
Сахих (ишенимдүү) Муслим жазып калтырган.
التصنيف الشرعيالأديان السماوية، الإيمان بنبينا محمد صلى الله عليه وسلمموضوعات الحديثمعنى شهادة أن محمدًا رسول الله، الإيمان بالرسل عليهم السلام، حقوق النبي ﷺ، متابعة الرسول ﷺمحاور التعريف بالإسلاملا يقبل الله غير دين الإسلام، وجوب اتباعه، النجاة بالدخول في الإسلام، خطورة الإعراض عن الحق
"Аллах Таала жакшылыктарды жана жамандыктарды жазып, анан аларды баяндап берген. Кимде-ким бир жакшылыкты ниет кылып, бирок аткара албай калса, Аллах Таала ага ошол жакшылыкты толук аткарды деп жазат. Эгер ниет кылып, анан ниетиндегини иш жүзүндө аткарса, анда ага ондон жети жүзгө чейин же андан да көп эселеген жакшылыктарды жазат. Эгерде пенде бир жаман ишти ниет кылып, бирок аны аткарбаса, ага толук бир жакшылыкты жазат. А эгер ниет кылып, ниетин иш жүзүндө аткарса, ага бир жамандык жасады деп жазат".
Сахих (ишенимдүү) Бухарий жана Муслим «сахих» китептеринде дал ушул сөздөр менен риваят кылышкан
التصنيف الشرعيالأربعون النووية، توحيد الأسماء والصفات
"Ислам беш нерсеге (түркүккө) негизделген : Аллахтан башка ибадатка татыктуу кудай жок, Мухаммад Анын кулу жана элчиси деп күбөлүк берүү, намаз окуу, зекет берүү, (Каабага) ажылык кылуу, Рамазанда орозо кармоо".
Сахих (ишенимдүү) Бухарий жана Муслим риваяты
التصنيف الشرعيالأربعون النووية، وجوب الصلاة وفضلها وحكم تاركها، وجوب الزكاة وحكم تاركها، وجوب الصيام وحكم تاركه، وجوب الحج والعمرة وحكم تاركهما، الإيمان بالله عز وجل، النبوة والرسالة، الإسلام
"Мен силерди эмнеден тыйсам, андан тыйылгыла! Мен силерди эмнеге буйрусам, аны чамаңардын жетишинче аткаргыла. Силерден мурда жашап өткөндөрдүн көбү пайгамбарына каяша сүйлөгөнү жана бейпайда суроолорду көп бергени үчүн кыйраган".
Сахих (ишенимдүү) Бухарий жана Муслим риваяты
التصنيف الشرعيالأربعون النووية، الأنبياء والرسل السابقين عليهم السلام
"Силерден бирөө тамактанса оң колу менен жесин, ичкенде оң колу менен ичсин. Анткени шайтан сол колу менен жейт жана сол колу менен ичет".
Сахих (ишенимдүү) Муслим жазып калтырган.
التصنيف الشرعيأحكام التشبه، آداب الأكل والشربموضوعات الحديثالتشبه بالكفار، آداب الأكل والشرب