Кайсы бир мусулманга кыйынчылык жетип, ал Аллах буйругандай: «Бардыгыбыз Аллахка таандыкбыз жана Анын Өзүнө гана кайтып барабыз» (Бакара сүрөсү), «Оо, Аллах! Менин ушул жапа чеккениме (ага сабыр кылганыма) сооп жаз жана анын ордуна андан да жакшыраак башка бир жакшылык насип кыл!» – деп айтса, Аллах ага сөзсүз анын ордуна андан да жакшыраак башка бир жакшылык насип кылат.

Момундардын энеси Умму Салама (Аллах андан ыраазы болсун) айтат: Аллахтын элчиси (ага Аллахтын тынчтыгы жана мактоосу болсун) мынтип айтканын уктум:

"Кайсы бир мусулмандын башына кыйынчылык жетип, ал Аллах буйругандай: «Бардыгыбыз Аллахка таандыкбыз жана Анын Өзүнө гана кайтып барабыз», [Бакара сүрөөсү, 156-аят]. «Оо, Аллах! Менин ушул жапа чеккениме (ага сабыр кылганыма) сооп жаз жана анын ордуна андан да жакшыраак башка бир жакшылык насип кыл! – деп айтса, Аллах анын ордуна сөзсүз түрдө андан да жакшыраак башка бир жакшылык насип кылат.» Умму Салама айтты: Абу Салама каза болгондо, мен: Мусулмандардын арасынан Абу Саламадан жакшыраак ким бар? Ал Аллахтын элчисине (ага Аллахтын тынчтыгы жана мактоосу болсун) эң биринчи болуп хижрат кылган үй-бүлө эле – деп айттым. Андан кийин мен ушул сөздөрдү айттым, ошондо Аллах мага анын ордуна Аллахтын элчисин (ага Аллахтын тынчтыгы жана мактоосу болсун) насип кылды."

«مَا مِنْ مُسْلِمٍ تُصِيبُهُ مُصِيبَةٌ فَيَقُولُ مَا أَمَرَهُ اللهُ: {إِنَّا لِلهِ وَإِنَّا إِلَيْهِ رَاجِعُونَ} [البقرة: 156]، اللَّهُمَّ أْجُرْنِي فِي مُصِيبَتِي، وَأَخْلِفْ لِي خَيْرًا مِنْهَا، إِلَّا أَخْلَفَ اللهُ لَهُ خَيْرًا مِنْهَا»، قَالَتْ: فَلَمَّا مَاتَ أَبُو سَلَمَةَ قُلْتُ: أَيُّ الْمُسْلِمِينَ خَيْرٌ مِنْ أَبِي سَلَمَةَ؟ أَوَّلُ بَيْتٍ هَاجَرَ إِلَى رَسُولِ اللهِ صلى الله عليه وسلم، ثُمَّ إِنِّي قُلْتُهَا، فَأَخْلَفَ اللهُ لِي رَسُولَ اللهِ صلى الله عليه وسلم.