Encyclopedia of Prophetic Hadiths

زه‌لامه‌كێ كۆره‌ هاته‌ ده‌ڤ پێغه‌مبه‌ری (صه‌لات و سه‌لامێن خودێ ل سه‌ر بن) و گۆت: ئه‌ی پێغه‌مبه‌رێ خودێ؛ كه‌س نینه‌ ده‌ستێ من بگریت و من بینیته‌ مزگه‌فتێ، ڤێجا داخواز ژ پێغه‌مبه‌رێ خودێ (صه‌لات و سه‌لامێن خودێ ل سه‌ر بن) كر ئه‌و ده‌ستویرییێ بده‌ته‌ وی ل مالا خۆ نڤێژێ بكه‌ت، پێغه‌مبه‌ری ژی (صه‌لات و سه‌لامێن خودێ ل سه‌ر بن) ده‌ستویری دا وی، به‌لێ پشتی ئه‌وی زه‌لامی پشتا خۆ دایه‌ پێغه‌مبه‌ری (صه‌لات و سه‌لامێن خودێ ل سه‌ر بن) و چووی، پێغه‌مبه‌ری (صه‌لات و سه‌لامێن خودێ ل سه‌ر بن) گازی وی كر و گۆتێ: ((ئه‌رێ ته‌ گوھ ل بانگی هه‌یه‌؟))، گۆت: به‌لێ، گۆت: ((پا د به‌رسڤێ وه‌ره‌)).

«ئه‌رێ ئه‌ز به‌رێ هه‌وه‌ نه‌ده‌مه‌ هنده‌ك كاران كو خودێ گونه‌هان پێ ژێدبه‌ت و پله‌یان پێ بلند دكه‌ت؟» گۆتن: به‌لێ ئه‌ی پێغه‌مبه‌رێ خودێ، گۆت: «ته‌مامكرنا ده‌ستنڤێژێ د سه‌ر نه‌خۆشییاندا و گه‌له‌ك پێنگاڤ هاڤێتن و چوونا به‌ره‌ڤ مزگه‌فتان و چاڤه‌ڕێكرنا نڤێژێ پشتی نڤێژێ، ب ڕاستی ئه‌ڤه‌یه‌ زێره‌ڤانیكرن و چوونا د سه‌نگه‌ریدا بۆ خودێ».

((حه‌سویدییێ ب ئێكودوو نه‌به‌ن، ئێكودوو نه‌خاپینن، كه‌ربێ ژ ئێك و دوو ‌ڕانه‌كه‌ن، پشتا خۆ نه‌ده‌نه‌ ئێكودوو، هنده‌ك ژ هه‌وه‌ فرۆتنێ ل سه‌ر فرۆتنا هنده‌كێن دیڕا نه‌كه‌ن، ببنه‌ عه‌بدێن خودێ و برایێن ئێك، موسلمان برایێ موسلمانییه‌، نه‌ زۆڕدارییێ لێ دكه‌ت، نه‌ پشتا وی به‌ردده‌ت و وی شه‌رمزار دكه‌ت، و نه‌ وی كێم دكه‌ت، ته‌قوا یا د ڤێرێدا)) سێ جاران ئاماژه‌ كره‌ سینگێ خۆ ((ئه‌و خرابی ب تنێ تێرا مرۆڤی هه‌یه‌ كو مرۆڤ برایێ خۆ یێ موسلمان كێم بكه‌ت، موسلمان هه‌می ل موسلمانی یێ حه‌رامه‌، خوینا وی و مالێ وی و نامویسا وی)).

((جه‌هنه‌م یا ب حه‌ز و شه‌هوه‌تان هاتییه‌ دۆرپێچكرن و به‌هه‌شت یا ب نه‌خۆشی و تاقیكرنان هاتییه‌ دۆرپێچكرن)).

((خودایێ مه‌زن گۆت: ئه‌ز ژ هه‌می كه‌سان بێمننه‌تترم كو شریك و هه‌ڤپشكه‌ك بۆ من بهێته‌ دروستكرن، له‌وا هه‌ر كه‌سێ كاره‌كی بكه‌ت و د وی كاریدا كه‌سه‌كێ دی د گه‌ل من بكه‌ته‌ شریك و هه‌ڤپشك؛ وی ده‌می دێ وی كه‌سی و هه‌ڤپشك دروستكرنا وی هێلم و وی كاری ژێ وه‌رناگرم)).

((ژ باشی و جوانییا موسلمانه‌تییا مرۆڤییه‌ ئه‌و وی تشتی بهێلیت یێ مایێ وی تێ نه‌چیت)).

((باوه‌ری حه‌فتێ و تشته‌ك - یان شێست و تشته‌ك - لقه‌، بلندترین و باشترین لقێ باوه‌رییێ گۆتنا (لَا إِلَهَ إِلَّا اللهُ)ـیه‌ و كێمترین لقێ باوه‌رییێ ژی لادانا وی تشتییه‌ ل سه‌ر ڕێكێ یێ نه‌خۆشییێ دگه‌هینیته‌ خه‌لكی، شه‌رم ژی لقه‌كه‌ ژ باوه‌رییێ)).

((مسوگه‌ر خودێ به‌رێ خۆ ناده‌ته‌ شێوه‌ و مال و سامانێ هه‌وه‌، به‌لكی به‌رێ خۆ دده‌ته‌ دل و كریارێن هه‌وه‌)).