Encyclopedia of Prophetic Hadiths

«چ نكاح (ماره‌برین) بێی وه‌لی نینن».

«مه‌ته‌لا هه‌ڤالێ باش و هه‌ڤالێ خراب وه‌كی خودانێ مسكێ و ئه‌وێ كویرها ئاسنی (كو ئاسنگه‌ره‌) خۆش دكه‌ت،‌ خودانێ مسكێ: یان دێ هنده‌كێ ده‌ته‌ ته‌، یان دێ ژێ كڕی، یان ژی دێ بێهنه‌كا خۆش ژێ هێته‌ ته‌. به‌لێ هندیكه‌ ئه‌وه‌ یێ كویرها ئاسنی خۆش دكه‌ت‌: یان دێ جلكێن ته‌ سۆژیت، یان ژی دێ بێهنه‌كا پیس ژێ هێته‌ ته‌».

«ب ڕاستی خودایێ مه‌زن ب شه‌ڤێ ده‌ستێ خۆ درێژ دكه‌ت دا ئه‌وێ ب ڕۆژێ گونه‌هـ كری ته‌وبه‌ بكه‌ت و ب ڕۆژێ ده‌ستێ خۆ درێژ دكه‌ت دا ئه‌وێ ب شه‌ڤێ گونه‌هـ كری ته‌وبه‌ بكه‌ت، هه‌تا كو ڕۆژ ژ ڕۆژئاڤایێ ده‌ردكه‌ڤیت و دهه‌لێت».

((مسوگه‌ر خودێ دێ ل دویڤ زۆڕداری درێژكه‌ت هه‌تا دگریت، ده‌مێ گرت ئێدی به‌رناده‌ت)) گۆت: پاشی ئه‌ڤ ئایه‌ته‌ خواند: {وَكَذَلِكَ أَخْذُ رَبِّكَ إِذَا أَخَذَ الْقُرَى وَهِيَ ظَالِمَةٌ إِنَّ أَخْذَهُ أَلِيمٌ شَدِيدٌ}[هود: 102]، ئانكو: ((و كانێ چاوا من خه‌لكێ وان گوندێن زۆڕدار ب عه‌زابێ گرتن ده‌مێ وان بێئه‌مرییا من كرى، وه‌سا ئه‌ز دێ خه‌لكێ گوندێن دى ژى ب عه‌زابێ گرم ئه‌گه‌ر وان ب كوفرا ب خودێ و نه‌گوهدارییا وى زۆڕدارى ل خۆ كر. هندى گرتنا وییه‌ ب عه‌زابێ يا ب ئێش و دژواره‌)).

پرسیار ژ پێغه‌مبه‌رێ خودێ (صه‌لات و سه‌لامێن خودێ ل سه‌ر بن) هاته‌ كرن ده‌رباره‌ی وی كه‌سێ شه‌ڕی دكه‌ت ژ به‌ر مێرخواسییێ، یان ژ به‌ر ده‌مارگیرییێ (ته‌عه‌صوبێ)، یان ژ به‌ر ڕویمه‌تییێ، ئه‌رێ كا كیژك ژ ڤانه‌ د ڕێكا خودێدایه‌؟ پێغه‌مبه‌رێ خودێ (صه‌لات و سه‌لامێن خودێ ل سه‌ر بن) گۆت: «هه‌ر كه‌سێ شه‌ڕی بكه‌ت دا كو په‌یڤا خودێ ژ هه‌مییان بلندتر بیت؛ ئه‌و د ڕێكا خودێدایه‌».