Encyclopedia of Prophetic Hadiths

((ئه‌رێ هوین دزانن غه‌یبه‌ت چییه‌؟))، گۆتن: خودێ و پێغه‌مبه‌رێ وی زاناترن، گۆت: ((ئه‌ڤه‌یه‌ تو تشته‌كی ده‌رباره‌ی برایێ خۆ بێژی كو وی پێ نه‌خۆش بیت))، هاته‌ گۆتن: پا تو چ دبێژی ئه‌گه‌ر ئه‌و تشتێ ئه‌ز دبێژم د برایێ مندا هه‌بیت؟ گۆت: ((ئه‌گه‌ر ئه‌و تشت تێدا هه‌بیت؛ ئه‌ڤه‌ ته‌ غه‌یبه‌تا وی كر، و ئه‌گه‌ر تێدا نه‌بیت؛ ئه‌ڤه‌ ته‌ بێبه‌ختییه‌ك بۆ دروستكر)).

(( نه‌رمى د هه‌ر تشته‌كيدا بيت دێ جوان كه‌ت ، و هه‌ر تشته‌كێ نه‌رمى ژێ بهێته‌ ده‌رئينان دێ كرێت كه‌ت)).

ئه‌ز زارۆكه‌ك بووم د كوشا پێغه‌مبه‌ریدا (صه‌لات و سه‌لامێن خودێ ل سه‌ر بن)، و ده‌ستێ من د ناڤ ئامانێ خوارنێدا دهات و دچوو، ڤێجا پێغه‌مبه‌ری (صه‌لات و سه‌لامێن خودێ ل سه‌ر بن) گۆته‌ من: «كوركۆ، ناڤێ خودێ بینه‌ (بێژه‌ بسم الله)، و ب ده‌ستێ ڕاستێ بخۆ، و ژ به‌را خۆ بخۆ»، ڤێجا پشتی هنگی ئه‌و بوو شێوازێ خوارنا من.

پێغه‌مبه‌ر (صه‌لات و سه‌لامێن خودێ ل سه‌ر بن) ده‌مێ چووبا تاره‌تێ دگۆت: ((خودایێ من؛ ئه‌ز خۆ ب ته‌ دپارێزم ژ شه‌یتانێن نێر و مێ)).

((ئاگرێ هه‌وه‌ پشكه‌كه‌ ژ حه‌فتێ پشكێن ئاگرێ جه‌هنه‌مێ))، هاته‌ گۆتن: ئه‌ی پێغه‌مبه‌رێ خودێ؛ ئه‌گه‌ر خۆ ئه‌و پشك ب تنێ ژی بیت به‌س بوو، گۆت: ((شێست و نه‌ھ پشكێن دی یێن ل سه‌ر ئاگرێ دونیایێ هاتینه‌ زێده‌كرن، هه‌ر پشكه‌ك ژ وان ژی وه‌كی وێ یا گه‌رمه‌)).

کو زەلامەکی پرسیار ژ پێغەمبەرێ خودێ (صەلات و سەلامێن خودێ ل سەر بن) کر و گۆت: تو چ دبێژی ئەگەر من نڤێژێن فەڕز کرن و ڕۆژییێن ڕەمەزانێ گرتن، حەلال حەلال کر و حەرام حەرام کر و من چ تشت ل سەر ڤانه‌ زێدە نەكرن، ئەرێ دێ چمە بەحشتێ؟ گۆت: ((بەلێ)).

((باوه‌ردارێ ب هێز، باشتر و خۆشتڤیتره‌ ل ده‌ڤ خودێ ژ باوه‌ردارێ لاواز و د هه‌ردووكاندا خێر یا هه‌ی (هه‌ردووك د باشن)، یێ ڕژدبه‌ ل سه‌ر وی تشتێ مفایێ ته‌ تێدا و داخوازا هاریكارییێ ژ خودێ بكه‌ و سست نه‌به‌، و ئه‌گه‌ر تشته‌كێ نه‌خۆش ب سه‌رێ ته‌ هات، نه‌بێژه‌: ئه‌گه‌ر من فلان تشت كربا؛ دا هۆسا و هۆسا چێبیت، به‌لكی بێژه‌: ئه‌ڤه‌ قه‌ده‌را خودێیه‌ و تشتێ وی ڤیایی كر، چونكی ب ڕاستی په‌یڤا (ئه‌گه‌ر - لَوْ) ده‌رگه‌هێ كریارێن شه‌یتانی ڤه‌دكه‌ت)).

((مسوگه‌ر خودێ چاكی ل سه‌ر هه‌می تشتان نڤیسییه‌، ڤێجا ئه‌گه‌ر هه‌وه‌ كوشتن كر؛ هوین ب جوانی بكه‌ن، و ئه‌گه‌ر هه‌وه‌ ڤه‌كوشتن كر؛ هوین جوان ڤه‌كوژن، و بلا ئێك ژ هه‌وه‌ كێركا خۆ خۆش بكه‌ت و بلا قوربانی و ڤه‌كوشتییێ خۆ ژی ڕحه‌ت بكه‌ت)).