Encyclopedia of Prophetic Hadiths

من گوھ ل پێغه‌مبه‌رێ خودێ (صه‌لات و سه‌لامێن خودێ ل سه‌ر بن) بوو دگۆت: ((خودایێ مه‌زن گۆت: كوڕێ ئاده‌می؛ مسوگه‌ر هندی تو دوعا ژ من بكه‌ی و داخوازێ ژ من بكه‌ی و ته‌ هیڤی ب دلۆڤانییا من هه‌بن؛ ئه‌ز دێ گونه‌هێن ته‌ ژێبه‌م و ئه‌ز گرنگییێ ب گونه‌هێن ته‌ ناده‌م خۆ چه‌ند د مه‌زن ژی بن. كوڕێ ئاده‌می؛ مسوگه‌ر ئه‌گه‌ر گونه‌هێن ته‌ بگه‌هنه‌ عه‌ورێن ئه‌سمانی، پاشی تو داخوازێ ژ من بكه‌ی ئه‌ز گونه‌هێن ته‌ ژێببه‌م؛ ئه‌ز دێ گونه‌هێن ته‌ ژێبه‌م و ئه‌ز گرنگییێ ب گونه‌هێن ته‌ ناده‌م خۆ چه‌ند د مه‌زن ژی بن. كوڕێ ئاده‌می؛ مسوگه‌ر ئه‌گه‌ر تو ب پڕی ئه‌ردی ب گونه‌هڤه‌ بهێیه‌ ده‌ڤ من و پاشی بگه‌هییه‌ من و ته‌ چ شریك و هه‌ڤال بۆ من دروست نه‌كربن؛ ئه‌ز دێ ب پڕی ئه‌ردی لێبوورین و ژێبرن بۆ وان گونه‌هانڤه‌ هێمه‌ ده‌ڤ ته‌)).

((ئه‌ز هاتمه‌ ده‌ڤ پێغه‌مبه‌ری (صه‌لات و سه‌لامێن خودێ ل سه‌ر بن) دا كو ببمه‌ موسلمان، ڤێجا فه‌رمان ل من كر كو ئه‌ز سه‌رێ خۆ ب ئاڤ و سیدرێ بشۆم)).

((هه‌ر كه‌سێ به‌ڕه‌ڤانییێ ژ كه‌سایه‌تی و كه‌ڕامه‌تا برایێ خۆ بكه‌ت؛ خودێ ژی ل ڕۆژا قیامه‌تێ دێ ڕویێ وی ژ ئاگرێ جه‌هنه‌مێ پارێزیت)).

ده‌مێ پێغه‌مبه‌رێ خودێ (صه‌لات و سه‌لامێن خودێ ل سه‌ر بن) دبێهنشی؛ ده‌ستێ خۆ یان جلكێ خۆ ددانا سه‌ر ده‌ڤێ خۆ و ده‌نگێ خۆ پێ نزم دكر.

((هه‌ر كه‌سێ خۆ ل ده‌ینداره‌كێ ده‌ستكورت بگریت یان تشته‌كی ژ ده‌ینێ خۆ ل سه‌ر وی كێم بكه‌ت، ل ڕۆژا قیامه‌تێ خودێ دێ وی كه‌سی دانیته‌ بن سیبه‌را عه‌رشێ خۆ، ل وێ ڕۆژا ژ بلی سیبه‌را وی؛ چ سیبه‌رێن دی نینن)).

((هشیاربن (نێزیكه‌ ده‌مه‌ك دێ هێت) زه‌لامه‌ك یێ ل سه‌ر جهێ خۆ درێژ كرییه‌ و فه‌رمووده‌یه‌ك ژ فه‌رمووده‌یێن من دێ بۆ وی هێته‌ گۆتن، ئه‌و ژی دێ بێژیت: د ناڤبه‌را مه‌ و هه‌وه‌دا په‌ڕتووكا خودێیه‌، ڤێجا هه‌ر تشتێ مه‌ د وێدا دیت یێ حه‌لاله‌؛ ئه‌م ژی دێ ب حه‌لال دانین، و هه‌ر تشته‌كێ مه‌ د وێدا دیت یێ حه‌رامه‌؛ ئه‌م ژی دێ ب حه‌رام دانین، و ب ڕاستی هه‌ر تشته‌كێ پێغه‌مبه‌رێ خودێ (صه‌لات و سه‌لامێن خودێ ل سه‌ر بن) حه‌رام كربیت، وه‌كی وی تشتییه‌‌ یێ خودێ حه‌رام كربیت)).

ده‌مێ پێغه‌مبه‌رێ خودێ (صه‌لات و سه‌لامێن خودێ ل سه‌ر بن) به‌ره‌ڤ حونه‌ینێ ده‌ركه‌ڤتی، د به‌ر داره‌كا موشركانڕا ده‌ربازبوو كو دگۆتێ: (ذات أنواط)، موشركان (بۆ به‌ره‌كه‌تێ) چه‌كێن خۆ پێڤه‌ د هه‌لاویستن، ڤێجا هنده‌ك ژ وان صه‌حابییێن ژ نوی هاتینه‌ د ناڤ ئیسلامێدا گۆتن: ئه‌ی پێغه‌مبه‌رێ خودێ؛ داره‌كا ب ڤی ڕه‌نگی بۆ مه‌ ژی ده‌ستنیشان بكه‌ وه‌كی كا چاوا وان هه‌ی. ئینا پێغه‌مبه‌ری (صه‌لات و سه‌لامێن خودێ ل سه‌ر بن) گۆت: ((پاقژی ژ هه‌می كێماسییان هه‌ر بۆ خودێ بیت! ئه‌ڤه‌ هه‌روه‌كی وێ گۆتنێیه‌ یا ملله‌تێ مووسای گۆتییه‌ وی: {اجْعَلْ لَنَا إِلَهًا كَمَا لَهُمْ آلِهَةٌ} [الأعراف: 138]، ئانكو: ((بۆ مه‌ ژی خودایه‌كی ده‌ستنیشان بكه هه‌روه‌كی كا چاوا وان خوداوه‌ندێن خۆ هه‌نه‌))، ئه‌ز ب وی كه‌مه‌ یێ نه‌فسا من د ده‌ستیدا؛ هوین دێ ل دویڤ ڕێك و نه‌ریتێن ملله‌تێن به‌ری خۆ كه‌ڤن)).

پێغه‌مبه‌رێ خودێ (صه‌لات و سه‌لامێن خودێ ل سه‌ر بن) نه‌فره‌ت ل وی كه‌سی كرییه‌ یێ د بڕیاردان و حوكمیدا به‌رتیلێ دده‌ت و یێ به‌رتیلێ وه‌رد‌گریت.