Encyclopedia of Prophetic Hadiths

ئه‌و صه‌حابییێن پێغه‌مبه‌ری (صه‌لات و سه‌لامێن خودێ ل سه‌ر بن) یێن قورئان نیشا مه‌ ددا و مه‌ بۆ وان دخواند دگۆتنه‌ مه‌ كو ئه‌و فێری ده‌ھ ئایه‌تان ژ پێغه‌مبه‌رێ خودێ (صه‌لات و سه‌لامێن خودێ ل سه‌ر بن) دبوون، پاشی نه‌دچوونه‌ سه‌ر ده‌ھ ئایه‌تێن دی دا فێر ببنێ؛ هه‌تا ئه‌و زانینا د ڤان ئایه‌تاندا هه‌یی نه‌زانیبا و كار ب وان ئایه‌تان نه‌كربا، وان گۆت: ڤێجا ئه‌م فێری زانین و كریار و كارپێكرنێ ژی بووین)).

«چ نكاح (ماره‌برین) بێی وه‌لی نینن».

((هه‌ر كه‌سێ پشكه‌كا وی زانستێ ستێرزانییێ فێربیت كو ب ڕێكا وی بانگه‌شه‌یا زانینا غه‌یبێ دهێته‌ كرن؛ ئه‌ڤه‌ ئه‌و فێری پشكه‌كا سحر و سێره‌به‌ندییێ بوو، ڤێجا چه‌ند ل سه‌ر زێده‌ بكه‌ت؛ دێ ل سه‌ر فێربوونا سحرێ ژی زێده‌ كه‌ت)).

زه‌لامه‌ك هاته‌ ده‌ڤ پێغه‌مبه‌ری (صه‌لات و سه‌لامێن خودێ ل سه‌ر بن) و ده‌رباره‌ی كاره‌كی د گه‌ل ئاخڤت، پاشی گۆت: ئه‌وا خودێ بڤێت و ته‌ بڤێت. ئینا پێغه‌مبه‌ری (صه‌لات و سه‌لامێن خودێ ل سه‌ر بن) گۆت: ((ئه‌رێ ته‌ ئه‌ز كرمه‌ هه‌ڤئاست و شریك بۆ خودێ؟ بێژه‌: ئه‌وا خودێ ب تنێ بڤێت)).

پێغه‌مبه‌رێ خودێ (صه‌لات و سه‌لامێن خودێ ل سه‌ر بن) ل سپێده‌هییا ڕۆژا عه‌قه‌به‌یێ د ده‌مه‌كیدا كو ل سه‌ر حێشترا خۆ بوو، گۆت: ((هنده‌ك به‌رکان بۆ من كۆم بكه‌))، من ژی حه‌فت به‌رك (به‌ركێن بچویك) بۆ وی كۆم كرن كو هه‌ر ئێك ژ وان هندی دنکه‌كێ یان بنده‌قه‌كێ بوو، ڤێجا وی ئه‌و به‌رك دانانه‌ د ده‌ستێ خۆدا و لڤاندن و گۆت: ((ب هنده‌ك به‌ركێن وه‌كی ڤانه‌ ڕه‌مییێ (ڕه‌جما شه‌یتانی) بكه‌ن))، پاشی گۆت: ((گه‌لی خه‌لكی؛ هشیاری زێده‌گاڤییێ بن د ئایینیدا، چونكی ب ڕاستی تشتێ ملله‌تێن به‌ری هه‌وه‌ ژ ناڤ برین؛ زێده‌گاڤیكرن بوو د ئایینیدا)).

((كوڕێ ئاده‌می ئامانه‌كێ خرابتر ژ زكی تژی نه‌كرییه‌، چه‌ند پارییه‌كێن كێم تێرا كوڕێ ئاده‌می هه‌نه‌ كو پشتا وی ڕاگرن، به‌لێ ئه‌گه‌ر وی هه‌ر خوار؛ هنگی بلا سێئێك بۆ خوارنا وی بیت و سێئێك بۆ ڤه‌خوارنا وی بیت و سێئێك بۆ بێهن و هه‌ناسه‌دانا وی بیت)).

((ب راستی ئه‌و تشتێ ئه‌ز پتر ژ هه‌مییان ژێ دترسم ب سه‌ر هه‌وه‌دا بهێت: شركا بچویكه‌))، گۆتن: ئه‌ی پێغه‌مبه‌رێ خودێ، شركا بچویك چ جۆره‌ شركه‌؟ گۆت: ((ڕویمه‌تییه‌‌، خودایێ مه‌زن ل ڕۆژا قیامه‌تێ ده‌مێ خه‌لكی ل سه‌ر كریارێن وان خه‌لات دكه‌ت؛ دبێژیته‌ وان: هه‌ڕنه‌ ده‌ڤ وان كه‌سێن هه‌وه‌ ل دونیایێ ڕویمه‌تی بۆ دكر و ژ به‌ر وان كارێ باش دكر، ڤێجا به‌رێ خۆ بده‌نێ كا دێ هوین چ خێر و خه‌لاتان ل ده‌ڤ وان بینن؟)).

((دێ ب هه‌ڤالێ قورئانێ (ئه‌وێ پێگیر ب قورئانێ ب خواندن و ژبه‌ركرنێ و كار پێ دكه‌ت) هێته‌ گۆتن: بخوینه‌ و بلندبه‌، بخوینه‌ هه‌روه‌كی چاوا ته‌ د دونیایێدا دخواند، چونكی ب ڕاستی پله‌یا ته‌ یا ل ده‌ڤ دویماهیك ئایه‌تا تو دخوینی)).