Encyclopedia of Prophetic Hadiths

((مسوگه‌ر باوه‌ردار ب ڕه‌وشتێ خۆ یێ جوان؛ دگه‌هیته‌ پله‌یا وی كه‌سێ ب ڕۆژێ ڕۆژییان دگریت و ب شه‌ڤێ شه‌ڤنڤێژان دكه‌ت)).

ئه‌ز د گه‌ل شاندا به‌نی عامرییان چوومه‌‌ ده‌ڤ پێغه‌مبه‌رێ خودێ (صه‌لات و سه‌لامێن خودێ ل سه‌ر بن)، مه‌ گۆت: تو سه‌ید و مه‌زنێ مه‌ی، گۆت: ((سه‌ید و مه‌زن ب تنێ خودێیه‌‌))، مه‌ گۆت: و تو ژ مه هه‌مییان باشتری و ژ مە هەمییان مەزنتری، گۆت: ((ب ئاخڤتنا خۆ یا ئاسایی باخڤن، یان ب هنده‌ك ئاخڤتنێن خۆ و بلا شه‌یتان هه‌وه‌ ڕانه‌كێشیت (بۆ زێده‌گاڤیكرنێ د مه‌دحكرنێدا))).

زه‌لامه‌ك هاته‌ ده‌ڤ پێغه‌مبه‌ری (صه‌لات و سه‌لامێن خودێ ل سه‌ر بن) و گۆت: ئه‌ی پێغه‌مبه‌رێ خودێ؛ ئێك ژ مه‌ هه‌ست ب تشته‌كی دكه‌ت د دل و ده‌روونێ خۆدا - تشته‌ك دهێته‌ سه‌ر دل و ده‌روونێ وی -، ئه‌گه‌ر ئه‌و خۆلی بیت ل ده‌ڤ خۆ خۆشتڤیتره‌ ژ هندێ وی تشتی ب ده‌ڤێ خۆ بێژیت، ئینا پێغه‌مبه‌ری (صه‌لات و سه‌لامێن خودێ ل سه‌ر بن) گۆت: ((اللهُ أكبرُ، اللهُ أكبرُ (ئانكو خودێ مه‌زنترینه‌)، سوپاسی بۆ وی خودایی بن یێ پیلانا وی (شه‌یتانی) بۆ وه‌سواسێ زڤڕاندی)).

((هشیاربن (نێزیكه‌ ده‌مه‌ك دێ هێت) زه‌لامه‌ك یێ ل سه‌ر جهێ خۆ درێژ كرییه‌ و فه‌رمووده‌یه‌ك ژ فه‌رمووده‌یێن من دێ بۆ وی هێته‌ گۆتن، ئه‌و ژی دێ بێژیت: د ناڤبه‌را مه‌ و هه‌وه‌دا په‌ڕتووكا خودێیه‌، ڤێجا هه‌ر تشتێ مه‌ د وێدا دیت یێ حه‌لاله‌؛ ئه‌م ژی دێ ب حه‌لال دانین، و هه‌ر تشته‌كێ مه‌ د وێدا دیت یێ حه‌رامه‌؛ ئه‌م ژی دێ ب حه‌رام دانین، و ب ڕاستی هه‌ر تشته‌كێ پێغه‌مبه‌رێ خودێ (صه‌لات و سه‌لامێن خودێ ل سه‌ر بن) حه‌رام كربیت، وه‌كی وی تشتییه‌‌ یێ خودێ حه‌رام كربیت)).

((نه‌بێژن: ئه‌وا خودێ بڤێت و فلان كه‌سی بڤێت، به‌لكی بێژن: ئه‌وا خودێ بڤێت، پاشی فلان كه‌سی بڤێت)).

«ب ڕاستی ئه‌گه‌ر خه‌لكی زۆردار دیت و ڕێگری لێ نه‌كر؛ نێزیكه‌ خودێ سزایه‌كی ژ ده‌ڤ خۆ‌ ب سه‌ر واندا بینیته‌ خوار و هه‌مییان ڤه‌گریت».

((فه‌رمانێ ب كرنا نڤێژێ ل زارۆكێن خۆ بكه‌ن ده‌مێ ئه‌و دبنه‌ حه‌فت سال و ژ به‌ر نه‌كرنا نڤێژێ ل وان بده‌ن ئه‌گه‌ر بوونه‌ ده‌هـ سال و جهێن نڤستنا وان ژ ئێك جودا بكه‌ن)).

((طیه‌ره‌ شركه‌، طیه‌ره‌ شركه‌، طیه‌ره‌ شركه‌ -سێ جاران گۆت-))، و كه‌س ژ مه‌ نینه‌ هنده‌ك جاران ئه‌ڤ هه‌سته‌ بۆ په‌یدا نه‌بیت، به‌لێ خودایێ مه‌زن ب خۆ هێلانا ب هیڤییا ویڤه‌ وێ چه‌ندێ ژ ناڤ دبه‌ت.