Encyclopedia of Prophetic Hadiths

((ل ده‌ڤ خودایێ مه‌زن خۆ تشته‌ك ژ دوعایێ باشتر و بهاتر نینه‌)).

((ئه‌گه‌ر هه‌وه‌ گوهـ ل بانگهلدێری بوو؛ هنگی هوین ژی هه‌مان گۆتنێن وی بێژن، پاشی صه‌له‌واتان بده‌نه‌ سه‌ر من، چونكی هه‌ر كه‌سێ صه‌له‌واته‌كێ بده‌ته‌ سه‌ر من؛ خودێ دێ ده‌هـ صه‌له‌واتان ده‌ته‌ سه‌ر وی. پاشی داخوازا (وه‌سیلێ) بۆ من ژ خودێ بكه‌ن، چونكی ئه‌و پله‌یه‌كه‌ د به‌حه‌شتێدا و ب تنێ دێ بۆ عه‌بده‌كی ژ عه‌بدێن خودێ ‌بیت و ئه‌ز هيڤیدارم ئه‌و كه‌سه‌ ئه‌ز بم، ڤێجا هه‌ر كه‌سێ داخوازا (وه‌سیلێ) بۆ من بكه‌ت؛ شه‌فاعه‌تا من بۆ وی حه‌لال بوو)).

((هه‌ر كه‌سێ (ڕۆژێ) ده‌ھ جاران بێژیت: ژ ئه‌لڵاهی پێڤه‌تر چ خودایێن ژ هه‌ژی په‌رستنێ نینن، ئه‌و ئێكێ ب تنێیه‌ و وی چ شریك و هه‌ڤال نینن، مولك و ده‌ستهه‌لات و سوپاسی هه‌می یێن وینه‌ و ئه‌و ل سه‌ر هه‌ر تشته‌كی یێ خودان شیانه‌ (لَا إِلَهَ إِلَّا اللهُ وَحْدَهُ لَا شَرِيكَ لَهُ، لَهُ الْمُلْكُ وَلَهُ الْحَمْدُ وَهُوَ عَلَى كُلِّ شَيْءٍ قَدِيرٌ)، ئه‌ڤه‌ هه‌روه‌كی وی چار كه‌س ژ كوڕێن ئیسماعیلی ئازا كرین)).

پێغه‌مبه‌ری (صه‌لات و سه‌لامێن خودێ ل سه‌ر بن) بێهنخۆشی ڕه‌د نه‌دكر.

((خۆ ژ زۆردارییێ بپارێزن، چونكی زۆرداری ل ڕۆژا قیامه‌تێ تارییاتییه‌، خۆ ژ چڕویكییێ بپارێزن، چونكی چڕویكییێ ملله‌تێن به‌ری هه‌وه‌ ژ ناڤ برن، بوو ئه‌گه‌رێ هندێ خوینا ئێكودوو بڕێژن و ئه‌و تشتێن ل سه‌ر وان د حه‌رام ب حه‌لال بزانن)).

((مافێ موسلمانی ل سه‌ر موسلمانی پێنجن: به‌رسڤدانا سلاڤێ، سه‌ره‌دانا نه‌ساخی، دویكه‌ڤتنا جه‌نازه‌ی، د به‌رسڤ چوونا گازییێ (مه‌عزومكرنێ) و به‌رسڤدانا كه‌سێ دبێهنشیت (و دبێژیت: (الحمدلله)، تو دێ بێژییێ: یرحمك الله))).

((ئه‌رێ ما ئه‌ز بۆ هه‌وه‌ نه‌بێژم كا مه‌زنترین گونه‌ھ كیژكن؟)) سێ جاران ئه‌ڤه‌ گۆت، وان گۆت: به‌لێ ئه‌ی پێغه‌مبه‌رێ خودێ، گۆت: ((دروستكرنا شركێ بۆ خودێ، خرابییا د گه‌ل دایك و بابان)) و ڕوینشت و به‌ری هنگی یێ پالڤه‌دایی بوو و گۆت: ((هشیاری گۆتن (و شاهده‌دانا) ژ دره‌و بن))، گۆت: ڤێجا ئه‌ڤ گۆتنه‌ هه‌ر دووباره‌ دكر، هه‌تا مه‌ گۆت: خۆزی بێده‌نگ ببا.

((زه‌لامه‌ك هه‌بوو ده‌ین ددانه‌ خه‌لكی، ڤێجا دگۆته‌ وی كه‌سێ ل ده‌ڤ وی كار دكر: ئه‌گه‌ر تو (ب مه‌به‌ستا وه‌رگرتنا ده‌ینی) چوویه‌ ده‌ڤ كه‌سه‌كی و ته‌ دیت یێ ده‌ستكورته‌ و ڕه‌وشا وی نه‌یا باشه‌؛ هنگی تو ل وی ببووره‌، دا به‌لكی خودێ ژی ل مە ببووریت، پاشی گه‌هشته‌ خودێ و خودێ ل وی بووری)).