مسوگه‌ر خودێ خێر و گونه‌ھ نڤیسینە، پاشی ئه‌ڤ چه‌نده ڕۆهنكر، ڤێجا هەر کەسێ دلێ خۆ ببه‌ته خێر و باشییه‌كێ و وێ نه‌كه‌ت؛ خودێ دێ وێ ل ده‌ڤ خۆ بۆ وی ب خێره‌كا ته‌مام نڤیسیت، و ئه‌گه‌ر وی دلێ خۆ برێ و كر؛ خودێ دێ وێ ل ده‌ڤ خۆ ب ده‌ھ خێران نڤیسیت هه‌تا دچیته حه‌فت سه‌دان و گه‌له‌ك پتر، و ئه‌گه‌ر وی دلێ خۆ بره گونه‌ھ و خرابییه‌كێ و نه‌كر؛ خودێ دێ وێ ل ده‌ڤ خۆ بۆ وی ب خێره‌كا ته‌مام نڤیسیت، و ئه‌گه‌ر دلێ خۆ برێ و كر؛ دێ بۆ وی ب گونه‌هه‌كێ ب تنێ نڤیسیت))
ژ ئبن عەباسی (خودێ ژ هه‌ردووكان ڕازی بیت)
ژ پێغه‌مبه‌ری (صه‌لات و سه‌لامێن خودێ ل سه‌ر بن) د وێ چه‌ندێدا یا ژ خودایێ خۆ ڤه‌دگوهێزیت كو گۆتییه: گۆت: ((مسوگه‌ر خودێ خێر و گونه‌ھ نڤیسینە، پاشی ئه‌ڤ چه‌نده ڕۆهنكر، ڤێجا هەر کەسێ دلێ خۆ ببه‌ته خێر و باشییه‌كێ و وێ نه‌كه‌ت؛ خودێ دێ وێ ل ده‌ڤ خۆ بۆ وی ب خێره‌كا ته‌مام نڤیسیت، و ئه‌گه‌ر وی دلێ خۆ برێ و كر؛ خودێ دێ وێ ل ده‌ڤ خۆ ب ده‌ھ خێران نڤیسیت هه‌تا دچیته حه‌فت سه‌دان و گه‌له‌ك پتر، و ئه‌گه‌ر وی دلێ خۆ بره گونه‌ھ و خرابییه‌كێ و نه‌كر؛ خودێ دێ وێ ل ده‌ڤ خۆ بۆ وی ب خێره‌كا ته‌مام نڤیسیت، و ئه‌گه‌ر دلێ خۆ برێ و كر؛ دێ بۆ وی ب گونه‌هه‌كێ ب تنێ نڤیسیت))
عَنِ النَّبِيِّ صَلَّى اللهُ عَلَيْهِ وَسَلَّمَ فِيمَا يَرْوِي عَنْ رَبِّهِ عَزَّ وَجَلَّ قَالَ: قَالَ: «إِنَّ اللهَ كَتَبَ الْحَسَنَاتِ وَالسَّيِّئَاتِ، ثُمَّ بَيَّنَ ذَلِكَ، فَمَنْ هَمَّ بِحَسَنَةٍ فَلَمْ يَعْمَلْهَا كَتَبَهَا اللهُ لَهُ عِنْدَهُ حَسَنَةً كَامِلَةً، فَإِنْ هُوَ هَمَّ بِهَا فَعَمِلَهَا كَتَبَهَا اللهُ لَهُ عِنْدَهُ عَشْرَ حَسَنَاتٍ إِلَى سَبْعِمِائَةِ ضِعْفٍ، إِلَى أَضْعَافٍ كَثِيرَةٍ، وَمَنْ هَمَّ بِسَيِّئَةٍ فَلَمْ يَعْمَلْهَا كَتَبَهَا اللهُ لَهُ عِنْدَهُ حَسَنَةً كَامِلَةً، فَإِنْ هُوَ هَمَّ بِهَا فَعَمِلَهَا كَتَبَهَا اللهُ لَهُ سَيِّئَةً وَاحِدَةً».
پێغەمبەر (صەلات و سەلامێن خودێ ل سەر بن) دیار دکەت کو خودێ خێر و گونه‌ھ ته‌قدیر کرینە، پاشی بۆ هه‌ردوو مه‌لائیكه‌تان دیار کر کا دێ چاوا خێر و گونه‌هان نڤیسن: ڤێجا هەر کەسێ ڤیا و كره دلێ خۆ و بڕیاردا كاره‌كێ باش بكه‌ت؛ هنگی دێ خێره‌ك بۆ وی هێتە نڤیسین، هەر چەندە نەکر بیت ژی، به‌لێ ئەگەر ئه‌و خێر کر؛ وی دەمی دێ ب دەهـ جاران زێدە بیت هەتا ب حەفت سەد جاران بۆ چەند جارێن دی یێن گەلەك زێده دبیت، و زێدەبوون ل دویڤ وێ چەندێیە یا د دلێ ویدا ژ دلسۆزی و گه‌هاندنا مفای و تشتێن وه‌كی وان. و هەر کەسێ ڤیا و كره دلێ خۆ و بڕیاردا كاره‌كێ خراب و گونه‌هه‌كێ بكه‌ت، پاشی ئه‌و گونه‌ھ ژ به‌ر خودێ هێلا؛ وی ده‌می خێره‌ك دێ بۆ وی هێتە نڤیسین و ئه‌گه‌ر ئه‌و گونه‌ھ هێلا ژ به‌ر كو ب تشته‌كێ دیڤه مژویل بوو و ئه‌و ئه‌گه‌رێن سه‌ردكێشن بۆ كرنا وی كاری ئه‌نجام نه‌دابن؛ وی ده‌می نه چ خێر و نه چ گونه‌ھ بۆ ناهێنه نڤیسین، به‌لێ ئه‌گه‌ر ئه‌و گونه‌ھ هێلا ژ به‌ر كو نه‌شیا بكه‌ت؛ هنگی دێ ل دویڤ ئنیه‌تا وی بۆ هێته نڤیسین، و ئه‌گه‌ر ئه‌و گونه‌ھ كر و ئه‌نجامدا؛ هنگی دێ گونه‌هه‌كا ب تنێ بۆ هێته نڤیسین.
دیارکرنا قەنجی و باشییا خودایێ مەزن ل سەر ڤێ ئوممەتێ د زێدەکرنا خێراندا و نڤیسینا وان ل دەڤ خۆ و د زێدەنه‌کرنا گونه‌هاندا.
گرنگییا ئنیه‌تێ د کاراندا و کارتێکرنا وێ.
قه‌نجییا خودایێ مەزن و باشی و دلۆڤانییا وی و چاکییا وی ئەوە کو هەر کەسێ كره دلێ خۆ خێره‌كێ بكه‌ت و پاشی نەکر؛ خودێ دێ خێره‌كێ بۆ وی نڤیسیت.
زێده‌تر (9)
صه‌حیحا بۆخاری (8/ 103) (6491).
صه‌حیحا موسلمی (1/ 118) (131).
التحفة الربانية في شرح الأربعين حديثًا النووية (ص85).
شرح الأربعين النووية.
لابن عثيمين (ص368).
فتح القوي المتين في شرح الأربعين وتتمة الخمسين.
للعباد (ص125).
فتح الباري.
لابن حجر (11/ 324).