((هنده‌ك زه‌لام ب نه‌حه‌قی ده‌ستوه‌ردانێ د مالێ خودێدا دكه‌ن، ل ڕۆژا قیامه‌تێ ئاگر بۆ وانه))
ژ خه‌ولایا ئه‌نصاڕی (خودێ ژێ ڕازی بیت) گۆت: من گوهـ ل پێغەمبەرێ خودێ (صەلات و سەلامێن خودێ ل سەر بن) بوو دگۆت:
((هنده‌ك زه‌لام ب نه‌حه‌قی ده‌ستوه‌ردانێ د مالێ خودێدا دكه‌ن، ل ڕۆژا قیامه‌تێ ئاگر بۆ وانه)).
«إِنَّ رِجَالًا يَتَخَوَّضُونَ فِي مَالِ اللهِ بِغَيْرِ حَقٍّ، فَلَهُمُ النَّارُ يَوْمَ الْقِيَامَةِ».
پێغه‌مبه‌ر (صه‌لات و سه‌لامێن خودێ ل سه‌ر بن) به‌حسێ هنده‌ك كه‌سان دكه‌ت كو ب نه‌حه‌قی ده‌ستوه‌ردانێ د مال و سامانێ موسلماناندا دكه‌ن و وی مالی ب نه‌حه‌قی وه‌ردگرن، ئه‌ڤه ژی ڕامانه‌كا گشتییه ده‌رباره‌ی مال و سامانی ژ لایێ كۆمكرن و بده‌ستڤه‌ئینانا وی ئه‌گه‌ر ب ڕێكه‌كا حه‌لال نه‌بیت، دیسان نه‌مه‌زاختنا وی د جهێن وی یێن دروستدا، خوارنا مالێ ئێتیمان و خوارنا مالێن وه‌فقێ و ڕه‌دكرن (و ئینكاركرنا) ئه‌مانه‌تان و وه‌رگرتنا مالێ گشتی ب نه‌حه‌قی ژی هه‌می دچنه د بن ڤێ چه‌ندێڤه. پاشی پێغه‌مبه‌ری (صه‌لات و سه‌لامێن خودێ ل سه‌ر بن) به‌حسێ هندێ كر كو جزایێ ڤان كه‌سان ل ڕۆژا قیامه‌تێ ئاگرێ جه‌هنه‌مێیه.
...:
ئه‌و مال و سامانێ د ده‌ستێ خه‌لكیدا؛ مالێ خودێیه، خودێ ئه‌و مال یێ كرییه د ده‌ستێ واندا؛ دا ب ڕێكێن دروست بمه‌زێخن و خۆ ژ مه‌زاختنا وی ب ڕیكێن نه‌دروست بده‌نه پاش، ئه‌ڤه ژی یا گشتییه و مه‌زن و كاربده‌ستان و ژ بلی وان ژ خه‌لكی هه‌مییێ بخۆڤه دگریت.
شه‌ریعه‌تی گه‌له‌ك گرنگی ب مالێ گشتی دایه و بابه‌تێ وێ مه‌زن دانایه و كو هه‌ر كه‌سێ به‌رپرسیاره‌تییا تشته‌ك ژ وی بكه‌ڤیته د ده‌ستیدا؛ ل ڕۆژا قیامه‌تێ دێ لێپرسین د گه‌ل وی هێته كرن ل سه‌ر چاوانییا بده‌ستڤه‌ئینان و مه‌زاختنا وی.
ئه‌ڤ گه‌فه وی كه‌سی ژی بخۆڤه دگریت یێ ب ڕێكه‌كا نه‌یا دروست ده‌ستوه‌ردانێ د مال و سامانیدا دكه‌ت، چ ئه‌ڤ ماله یێ وی بیت یان مالێ کەسەکێ دی بیت.
زێده‌تر (7)
صه‌حیحا بۆخاری (4/ 85) (3118).
فتح ذي الجلال والاكرام بشرح بلوغ المرام.
لابن عثيمين (6/ 372).
منحة العلام في شرح بلوغ المرام.
لعبد الله الفوزان (10/ 231).
توضيح الأحكام من بلوغ المرام.
للبسام (7/ 424).
Cited in books
2 Booksزێده‌تر (2)
- رياض الصالحينرياض الصالحين مع فوائد وهدايات - 2«إِنَّ رِجَالاً يَتَخَوّضُونَ فِي مَالِ الله بِغَيْرِ حَقٍّ، فَلَهُمُ النَّارُ يَوْمَ الْقِيَامَةِ».
- قاموس الكبائرموسوعة الكبائر - المجموعة الثانية«إِنَّ رِجَالًا يَتَخَوَّضُونَ فِي مَالِ اللَّهِ بِغَيْرِ حَقٍّ، فَلَهُمُ النَّارُ يَوْمَ القِيَامَةِ» [6].