“អ្នកដែលមើលថែស្ត្រីមេម៉ាយ និងជនក្រីក្រ គឺដូចជាអ្នកតស៊ូក្នុងផ្លូវអល់ឡោះ ឬដូចជាអ្នកដែលឈរសឡាតពេលយប់និងបួសពេលថ្ងៃ”។

អ៊ិពនូហ៊ូពៃរ៉ោះ បាននិយាយថា៖ អត្ថន័យរបស់វា គឺមានន័យថា ពិតណាស់ អល់ឡោះជាម្ចាស់នឹងផ្តល់ឱ្យជននោះនូវផលបុណ្យនៃអ្នកបួស អ្នកសឡាត និងអ្នកតស៊ូក្នុងពេលតែមួយតែម្តង។ នោះគឺដោយសាររូបគេបានបំពេញតួនាទីជំនួសស្វាមីរបស់ស្ត្រីមេម៉ាយទាំងនោះ និងបានមើលថែជនក្រីក្រដែលអសមត្ថភាពក្នុងការបំពេញតួនាទី(ផ្គត់ផ្គង់ជីវភាពខ្លួនឯង)ដោយខ្លួនឯងបាន។ និងជួយជនក្រីក្រដែលមិនអាចផ្គត់ផ្គង់ជីវភាពខ្លួនឯងបាន ដោយចំនាយទៅលើអាហាររបស់ពួកគេ និងការផ្តល់ទានដោយកម្លាំងញើសឈាមរបស់ពួកគេ។ ដូច្នេះ ការជួយរបស់ជននោះ គឺនឹងទទួលផលបុណ្យស្មើនឹងការបួស ការសឡាត និងការតស៊ូក្នុងមាគ៌ាអល់ឡោះ។