“ចូរពួកអ្នកដើរឲ្យបានលឿនពេលហែរសពទៅបញ្ចុះ។ ប្រសិនបើសពនោះល្អ គឺជាការល្អដែលពួកអ្នកនាំគេទៅជួបប្រការល្អនោះ។ តែប្រសិនបើផ្ទុយពីនោះវិញ គឺពួកអ្នកបានទម្លាក់ប្រការអាក្រក់នោះចេញពីអម្រែករបស់ពួកអ្នក”។

អ៊ិពនូហាជើរ បាននិយាយថា៖ ស៊ូណិតរួសរាន់រៀបចំបញ្ចុះសព។ ក៏ប៉ុន្តែ កុំឲ្យហួសហេតុពេក ក្រែងវាបង្កគ្រោះថ្នាក់ដល់អ្នកស្លាប់ ឬបង្កការលំបាកដល់អ្នកសែង ឬអ្នកដង្ហែរសពនោះ។

គេអាចពន្យារពេលចំពោះសពដែលស្លាប់ភ្លាមៗ ព្រោះខ្លាចក្រែងនោះគ្រាន់តែជាការសន្លប់។ ដូចនេះ មិនគប្បីបញ្ចុះសពនោះភ្លាមៗឡើយ រហូតទាល់តែប្រាកដថា ជននោះពិតជាបានស្លាប់ប្រាកដមែន ឬក៏ការពន្យារពេលបន្តិចបន្តួចអាចផ្តល់ផលល្អ ដូចជាមានអ្នកមកសឡាតច្រើន ឬរង់ចាំសាច់ញាតិមកដល់ ហើយគេមិនខ្លាចមានការប៉ះពាល់ដល់សព។

ជំរុញឲ្យរួសរាន់ក្នុងការរៀបចំបញ្ចុះសពដើម្បីជាប្រយោជន៍ដល់សព ប្រសិនបើសពនោះជាមនុស្សល្អ ឬជាប្រយោជន៍ដល់អ្នកដង្ហែរតាម ប្រសិនបើសពនោះមិនមែនជាមនុស្សល្អ។