Encyclopedia of Prophetic Hadiths

«Pa gen maryaj esepte avèk yon wali.»

«Sètènman, egzanp bon konpayon an ak move konpayon an se tankou moun kap pote pafen ak fòjwon kap soufle dife a. Pou moun kap pote pafen an: swa li fèw kado ladan li, swa ou achte nan men li, oswa ou pran yon bon lodè sou li. Men, pou fòjwon kap soufle dife a: swa li boule rad ou, oswa ou pran yon move lodè sou li.»

«Sètènman, Allah (Toupwisan ak Majestye) lonje men Li pandan lannwit pou moun ki komèt peche pandan jounen an ka repanti, epi Li lonje men li pandan jounen an pou moun ki komèt peche pandan lannwit lan ka repanti, jiskaske solèy la leve nan lwès.»

«An verite, Allah bay moun ki fè enjistis la yon delè, jiskaske lè Li pinil Li pap kitel chape.» Li di: Aprèsa, li li: «{Epi se konsa chatiman Seyè ou la ye lè Li pini vil yo pandan yap fè enjistis. An verite, chatiman Li a fè mal anpil epi li rèd.} [Houd: 102]»

Yo te mande Mesaje Allah a (se pou lapè ak benediksyon Allah sou li) konsènan yon nonm kap batay pou montre kouraj li, kap batay pou fyète li, epi kap batay pou moun ka wèl: kilès nan yo ki nan chemen Allah a? Mesaje Allah a (se pou lapè ak benediksyon Allah sou li) te reponn: «Nenpòt moun ki batay pou pawòl Allah a kapab rete pi wo a, se li menm ki nan chemen Allah a.»