Encyclopedia of Prophetic Hadiths

«Nenpòt moun ki pote zam kont nou, li pa fè pati nou (li pa swiv chemen nou an nèt).»

Lè yon sèvitè (yon kwayan) tonbe malad oswa li nan vwayaj, yo ekri pou li (menm rekonpans) pou zèv li te konn abitye fè lèl te lakay li epi lèl te an bòn sante a.

«Nenpòt moun ki priye 2 lapriyè nan moman fre yo (Fajr ak Asr), lap antre nan Paradi a»

«Toujou pran swen pou nou repase Koran sa a, paske mwen sèmante sou Sila a ki gen nanm Muhammad nan men li an, li chape soti nan memwa pi vit pase chamo kap chape anba kòd ki mare yo a.»

Mwen te ale jwenn Mesaje Allah a, (se pou lapè ak benediksyon Allah sou li), ansanm ak yon gwoup nan Ash'ari yo, pou nou te mande li bèt pou nou monte. Li te di: «Mwen fè sèman sou Allah, mwen pap ban nou bèt pou nou monte, mwen pa gen anyen poum ban nou pou nou monte.» Aprèsa, nou te tann pandan kantite tan Allah te vle, jiskaske yo te mennen kèk chamo ba li, epi li te bay lòd pou yo ban nou 3 chamo. Lè nou tap pati, kèk nan nou tap di lòt: «Allah pap beni nou. Nou te vin jwenn Mesaje Allah a,( se pou lapè ak benediksyon Allah sou li) , pou nou mandel bèt pou nou monte, li te fè sèman li pap ban nou bèt, epoutan li ban nou yo.» Abu Musa te di: Konsa, nou te retounen jwenn Pwofèt la, (se pou lapè ak benediksyon Allah sou li) epi nou te rakontel sa. Li te di: «Se pa mwen menm ki te ban nou bèt pou nou monte yo, men se Allah ki ban nou yo. Mwen fè sèman sou Allah — si Allah vle — mwen pa janm fè yon sèman epi poum wè gen yon lòt chwa ki pi bon pasel, san mwen pa bay konpansasyon pou ekspiye sèman mwen an, poum chwazi fè sa ki pi bon an.»

"Egzanp kwayan ki li Koran an se tankou fwi Utrujja a (sitwon an), sant li bon epi goul bon. Epi egzanp kwayan ki pa li Koran an se tankou dat la, li pa gen sant epi goul dous. Epi egzanp ipokrit ki li Koran an se tankou plant Rayhana a (bazilik la), sant li bon epi goul anmè. Epi egzanp ipokrit ki pa li Koran an se tankou fwi Hanzala a (kolokent lan), li pa gen okenn sant epi goul anmè."