Encyclopedia of Prophetic Hadiths

«Konnen byen, kapab gen yon mesye, kote yon pawòl (hadith) ki soti nan mwen rive jwenn li pandan lap apiye sou fotèy li, epi li di: "Ant nou menm ak nou menm gen Liv Allah a; sa nou jwenn ladanl ki pèmèt (halal), nou pranl kòm halal, epi sa nou jwenn ladanl ki entèdi (haram), nou pranl kòm haram." Epi, anverite, sa Mesaje Allah la entèdi, li menm jan ak sa Allah entèdi!»

Pwofèt la (Se pou lapè ak benediksyon Allah poze sou li) te mansyone yon bagay, epi li di: «Sa ap rive nan epòk kote konesans ap disparèt la.» Mwen di: "O Mesaje Allah a, kòman konesans lan ap fè disparèt alòske nap li Koran an, nap anseye pitit nou yo lil, epi pitit nou yo ap anseye pitit pa yo lil jiska Jou Rezirèksyon an?" Li di: «Ayayay pou ou, Ziyad! Mwen te konsiderew kòm youn nan gason ki gen plis konesans nan Medin. Èske Jwif ak Kretyen sa yo pa ap li Tora a ak Levanjil la, poutan yo pa mete an pratik anyen nan sa ki ladan yo?!