Encyclopedia of Prophetic Hadiths

«Moun kap ede vèv ak malere se menm jan ak moun kap fè jefò nan chemen Allah, oswa menm jan ak moun ki pase nwit ap lapriyè epi ki fè jèn lajounen.»

« Èske nou konnen sak rele medizans? » Yo reponn: « Allah ak Mesaje li a konnen pi byen. » Li di: « Se lè ou pale mal sou frèw la dèyè dol, yon fason ki tap fè li fache. » Yo mandel: « E si sam ap di sou frèm nan se verite? » Li reponn: « Si sa wap di a se verite, ou fè medizans sou li; e si sa wap di a pa verite, ou kalomnyel. »

«Dousè (Rifq) pa janm nan yon bagay san li pa rann bagay sa a bèl, epi yo pa janm retire dousè nan yon bagay san yo pa rann li lèd.».

Mwen te yon jenn gason anba swen Mesaje Allah a (se pou lapè ak benediksyon Allah avèk li), epi men mwen tap pwonmennen toupatou nan asyèt la, epi Mesaje Allah a (se pou lapè ak benediksyon Allah avèk li) te dim: «O jenn gason, site non Allah, epi manje ak men dwat ou, epi manje nan sa ki devan ou». Epi sa te rete fason mwen manje aprèsa.

«Moun ki rakonte yon pawòl sou mwen ke li wè se yon manti, li se youn nan moun ki bay manti yo».

«Anverite, Allah mande pou nou aji ak bon kè nan tout sa nap fè. Si nou gen pou nou touye (nan lagè), fèl ak bon jan fason. Si nap touye yon bèt (poun manje), fèl ak bon jan fason: se pou chak moun file kouto li byen file, epi se pou li fè bèt la pa soufri.»

«Èskem pa ta dwe endike nou sa Allah itilize pou Li efase peche yo epi elve degre yo?» Yo te reponn: «Wi, O Mesaje Allah.» Li te di: «Akonpli ablisyon an yon fason ki pafè malgre difikilte yo, fè anpil pa pou ale nan moske yo, epi tann yon lapriyè aprè yon lòt; ebyen, sa a se angajman konstan an.»

«Sètènman, pami siy Lè a(jou jijman an) : konesans lan ap disparèt, inyorans ap ogmante, ap gen anpil Zina (fònikasyon ak adiltè), moun ap bwè anpil alkòl, kantite gason ap diminye, epi kantite fanm ap ogmante, jiskaske se yon sèl gason ki pral responsab pou pran swen senkant (50) fanm.»