Encyclopedia of Prophetic Hadiths

«Anverite, Allah pwòp (Li bon nèt), epi Li aksepte sèlman sa ki pwòp. Allah bay kwayan yo menm lòd Li te bay Pwofèt yo. Men sa Li te di Pwofèt yo: 'O nou menm Mesaje yo! Manje nan sa ki bon (ki pwòp), epi fè sa ki dwat', Epi Li di kwayan yo tou: 'O nou menm ki kwè! Manje nan sa ki bon nan sa nou ba nou yo.' Aprèsa, Pwofèt la bay egzanp yon vwayajè ki fè yon vwayaj byen lwen, cheve li tou gaye ,li kouvri ak pousyè, epi lap leve 2 bral nan syèl la, lap rele: "O senyè! O senyè!" poutan, manjel se vòlè (haram), bwason li se vòlè, rad sou li se vòlè, epi li grandi nan sa ki mal (haram). Ki jan pou Allah ta fè reponn yon moun konsa?!»

Yon jou, pandan nou te chita bò kote Mesaje Allah a (kè poze ak benediksyon Allah sou li), gen yon mesye ki parèt devan nou. Rad li te blan anpil, epi chevel te nwa anpil. Pat gen okenn mak sou li ki montrel tap soti nan vwayaj, epi pèsonn nan nou pat konnen li avan sa . Li avanse jouk li chita devan Pwofèt la (kè poze ak benediksyon Allah sou li). Li kole 2 jenoul ak jenou Pwofèt la, epi li poze 2 pla men li sou pwòp kwis li. Li di : — « O Muhammad, fèm konnen kisa Islam ye. » Mesaje Allah a (kè poze ak benediksyon Allah sou li) reponn : — « Islam se pouw temwaye pa gen lòt dye Sèlman Allah, epi Muhammad se mesaje Allah ; se pouw akonpli lapriyè ; bay Zakat la ; fè jèn nan mwa Ramadan ; epi fè pelerinaj nan Kay la si mw gen mwayen pouw fè wout la. » Mesye a di : — « Ou di verite. » (Oumar kap rakonte a di : Sa te fè nou sezi wè lap poze li kesyon epi lap konfime repons lan anmenmtan.) Aprèsa li di ankò : — « Fè m konnen kisa Imaan (Lafwa) ye. » Pwofèt la reponn : — « Se pouw kwè nan Allah, nan zanj Li yo, nan liv Li yo, nan mesaje li yo, nan Dènye Jou a, epi pouw kwè nan desten an, kit li pote sa ki byen, kit li pote sa ki mal. » Mesye a di ankò : — « Ou di verite. Fè m konnen kisa Ihsan (Ekselans) ye. » Pwofèt la reponn : — « Se pouw adore Allah kòmsi wap wè li, paske menm siw pa wèl, Li menm Li wè w. » Li di ankò : — « Fè m konnen ki lè Jou Jijman an ap rive. » Pwofèt la reponn : — « Moun yap poze kesyon an pa konn plis pase moun kap poze kesyon an. » Li di : — « Enben, fèm konnen ki siy kap anonsel » Pwofèt la reponn : — « Se lè sèvant lan ap fè pitit ki pral tounen mèt li, epi lèw wè moun kap mache pye atè, ki toutouni, ki pòv, ki tap gade mouton, ap fè konpetisyon pou bati gwo bilding ki byen wo. » Aprèsa Mesye a ale. Mwen (Oumar) te rete la yon bon ti tan. Aprèsa Pwofèt la dim : — « O Oumar, èskew konnen kiyès ki tap poze kesyon yo ? » Mwen reponn : — « Allah ak Mesajel la konnen pi byen. » Pwofèt la di : — « Se te Jibril (Zanj Gabriyèl), li te vin jwenn nou poul moutre nou relijyon nou an. »

Gen kèk nan konpayon Pwofèt la(ke lapè ak benediksyon Allah kouvri li) ki te di Pwofèt la(ke lapè ak benediksyon Allah kouvri li): "O Mesaje Allah, moun rich yo ale ak tout rekonpans yo; yo priye menm jan nou priye, yo fè jèn menm jan nou fè jèn, epi yo bay Sadaka avèk sipli richès yo genyen." Li reponn yo: «Èske Allah pa ban nou mwayen pou nou fè Sadaka tou? Sètènman, chak Tasbih (lè nou di SoubhanAllah) se yon Sadaka, chak Takbir (lè nou di Allahu Akbar) se yon Sadaka, chak Tahmid (lè nou di Alhamdulillah) se yon Sadaka, chak Tahlil (lè nou di La ilaha illa Allah) se yon Sadaka; ankouraje moun fè sa ki byen se yon Sadaka, anpeche moun fè sa ki mal se yon Sadaka, epi gen yon Sadaka nan relasyon entim youn nan nou (avèk madanm li).» Yo dil: "O Mesaje Allah, èske youn nan nou kapab satisfè dezi li epi poul jwenn rekonpans pou sa?" Li reponn: «Èske nou pa wè, si li ta mete dezi li nan Haram (nan sa ki entèdi), li tap gen yon peche pou sa? Ebyen konsa tou, lè li mete li nan Halal (nan fason Allah pèmèt la), lap jwenn yon rekonpans.»

«Bay moun ki gen dwa yo pòsyon eritaj ki preskri yo, epi sa ki rete a, se pou fanmi gason ki pi pwòch la.»

Vreman vre, Allah ak Mesaje li a entèdi vann alkòl, bèt ki mouri (san yo pa touye li jan relijyon an mande sa), kochon, ak zidòl." Yo di li: 'O Mesaje Allah, èskew wè grès bèt ki mouri yo? Yo itilize li pou yo pase sou bato, yo metel sou po bèt (pou fè yo soupl), epi moun sèvi avèl pou limen lanp.' Li reponn: 'Non, li entèdi (haram).' Aprèsa, Mesaje Allah a (ke benediksyon ak kè poze sou li) te ajoute: 'Se pou Allah konbat Jwif yo! Paske lè Allah te entèdi yo grès bèt yo, yo te fonn li (yo te transfòmel), yo vann li, epi yo manje lajan yo te fè ak li a.

Mesaje Allah a (se pou lapè ak benediksyon Allah sou li) te rakonte nou, e se li ki toujou di verite a epi se li moun kwè a: «Vrèman, yo rasanble kreyasyon chak moun nan nou nan vant manman li pandan 40 jou, aprèsa li tounen yon mòso san ki kole pandan menm kantite tan sa a, aprèsa li tounen yon mòso chè pandan menm kantite tan sa a. Aprèsa, yo voye zanj lan kot li epi li soufle nanm nan ladan li, epi yo ba li lòd sou 4 bagay: pou li ekri manje li, dat lanmò li, zèv li yo, epi si lap yon moun ki gen malè oswa yon moun ki byennere. Konsa, pa Sila a ki pa gen lòt Allah apa Li a, vrèman gen nan nou kap fè zèv moun Paradi yo jiskaske pa rete anyen ki separel ak Paradi a eksepte yon bra (distans), epi sa ki te ekri pou li a (desten li) pran devan li, konsa li fè zèv moun Lanfè yo epi li antre ladan li.E vrèman, gen nan nou kap fè zèv moun Lanfè yo jiskaske pa rete anyen ki separe l ak Lanfè a eksepte yon bra (distans), epi sa ki te ekri pou li a (desten li) pran devan li, konsa li fè zèv moun Paradi yo epi li antre ladan l.»

« Anverite, Halal la klè, epi Haram nan klè, epi nan mitan yo gen bagay ki gen dout ke anpil moun pa konnen. Moun ki evite bagay ki gen dout yo, li mete relijyon li ak onè li klè, epi moun ki tonbe nan bagay ki gen dout yo, li tonbe nan Haram nan. Li tankou yon bèje k ap fè bèt li yo manje toupre yon zòn rezève, li pa lwen pou l kite yo manje ladan l. Konnen byen, chak wa gen yon zòn rezève pa l. Konnen byen, zòn rezève Allah a se sa Li entèdi yo. Anverite, nan kò a gen yon ti moso chè, lè li bon, tout kò a bon, epi lè li gate, tout kò a gate. Konnen byen, se kè a. »