Encyclopedia of Prophetic Hadiths

«Okenn nan nou pap gen lafwa jiskaske li renmen mwen plis pase papal, pitit li, ak tout moun nèt.»

«Nenpòt moun ki garanti pou mwen sa ki ant 2 machwè li ak sa ki ante 2 janm li, mwen ap garanti Paradi a pou li.»

Sa vrèman bèl epi etonan pou sitiyasyon kwayan an! Tout sa k rive li se yon byen pou li, epi privilèj sa a se sèl kwayan an ki genyen li: Si yon bon bagay rivel, li remèsye Allah epi sa vin yon byen pou li; si yon malè oswa yon eprèv frape li, li pran pasyans, epi sa vin yon byen pou li tou.

«Pa gen okenn moun ki komèt yon peche, aprèsa li leve epi li pirifye tèt li, aprèsa li fè lapriyè, aprèsa li mande Allah padon, esepte Allah padone li», aprèsa li te li vèsè sa a: {Epi moun ki, lè yo komèt yon move zak oswa yo fè tèt yo mal, yo sonje Allah epi yo mande padon pou peche yo} [Aal Imran: 135].

Fatima (ki pou Allah satisfè avèk li) te ale kote Pwofèt la (lapè ak benediksyon Allah sou li) poul te plenyen pou jan men lap rache akouraj anba moulen grenn, paske li te aprann yo te mennen prizonye/sèvitè ba li. Men, li pat jwenn li lakay li, se konsa li te eksplike sa bay Aïcha. Lè Pwofèt la te antre, Aïcha te rakontel sa. [Ali] di: « Li te vin jwenn nou pandan nou te gentan nan kabann nou. Nou te fè sa poun leve, men li di: "Rete kote nou ye a." Li pwoche, li vin chita nan mitan mwen menm ak Fatima, jouk mwen te santi jan pye li te frèt sou vant mwen. Aprèsa, li di: "Èske nou vlem montre nou yon bagay ki pi bon pase sa nou te mande a? Lè nou pral kouche nan kabann nou, di Soubhanallah 33 fwa, di Alhamdoulillah 33 fwa, epi di Allahou Akbar 34 fwa. Sa ap pi bon pou nou pase si nou te gen yon sèvant." »

«Pi gwo fòmil pou mande padon an, se pouw di: O Allah, Ou se Senyè mwen, pa gen lòt divinite esepte Ou. Ou kreyem epi mwen se sèvitè Ou, epi map kenbe angajman ak pwomès mwen fèw la daprè tout kapasitem. Mwen chèche pwoteksyon bò kotew kont sa ki mal nan sa mwen fè. Mwen rekonèt byenfè Ou yo sou mwen, epi mwen rekonèt pechem yo. Kidonk, padonem, paske vrèmanvre, pa gen pesonn ki padone peche yo esepte Ou menm.» Li te di: «Moun ki di li pandan jounen an avèk fèm konviksyon ladan li, epi li mouri nan menm jou a anvan aswè rive, lap pami moun Paradi yo. Epi moun ki di li pandan lannwit avèk fèm konviksyon ladan li, epi li mouri anvan maten rive, lap pami moun Paradi yo.»

« Yap fè lanmò a parèt sou fòm yon belye mouton ki gen koulè blan ak nwa melanje (gri). Lè sa a, yon moun kap rele pral di: "O nou menm moun ki nan Paradi!" Yap leve tèt yo pou yo gade, epi li pral di: "Èske nou rekonèt sa?" Yap di: "Wi, sa a se lanmò," epi yo tout te deja wè li. Aprèsa , lap rele: "O nou menm moun ki nan Dife!" Yap leve tèt yo pou yo gade, epi li pral di: "Èske nou rekonèt sa?" Yap di: "Wi, sa a se lanmò," epi yo tout te deja wè li. Lè sa a, yap koupe kou lanmò a (yap touye l). Aprèsa , li pral di: "O nou menm moun ki nan Paradi! Se pou toutan, pa gen lanmò ankò. Epi nou menm moun ki nan Dife! Se pou toutan, pa gen lanmò ankò." Aprèsa , li te resite vèsè sa a: "Avèti yo konsènan jou lapenn nan, lè yap fin regle zafè a, pandan yo menm yo nan neglijans" [Surat Maryam: 39]. Epi moun ki nan neglijans sa yo, se moun ki nan mond lan (ki pa kwè) {epi yo pa kwè}. »

Nenpòt moun ki mande Allah avèk senserite pou li mouri kòm mati; Allah ap fè li rive nan pozisyon mati yo, menm si li mouri sou kabann li.