Encyclopedia of Prophetic Hadiths

«Nenpòt moun ki mete swa nan lavi sa a, li pap metel nan lòt lavi a.»

Te gen yon bedwen (Arab ki rete lwen nan dezè) ki te vin jwenn Pwofèt la (Lapè ak benediksyon Allah sou li), epi li dil: "Montrem yon zèv sim fè li map antre nan Paradi." Li reponn li: "Se pouw adore Allah san ou pa asosye anyen avèk li , se pouw akonpli priyè (Salat) obligatwa yo, se pouw bay charite (Zakat) ki preskri a, epi se pouw fè jèn nan mwa Ramadan an." Nonm nan di: "Mwen fè sèman sou Sila a ki gen nanm mwen nan men Li an, mwen pap ajoute okenn lòt bagay sou sa." Lèl vire do li poul ale, Pwofèt la (Lapè ak benediksyon Allah sou li) di: "Nenpòt moun ki ta kontan wè yon nonm pami abitan Paradi yo, se poul gade nonm sa a."

«Youn nan nou pa dwe kenbe pati entim li ak men dwat li pandan lap pipi, ni li pa dwe netwaye tèt li ak men dwat li aprè li fin fè bezwen li, ni li pa dwe respire nan veso a.»

"«Moun ki sou monti a salye moun kap mache a, epi moun kap mache a salye moun ki chita a, epi moun ki mwens yo salye moun ki pi anpil yo»."

« Èske nou konnen sak rele medizans? » Yo reponn: « Allah ak Mesaje li a konnen pi byen. » Li di: « Se lè ou pale mal sou frèw la dèyè dol, yon fason ki tap fè li fache. » Yo mandel: « E si sam ap di sou frèm nan se verite? » Li reponn: « Si sa wap di a se verite, ou fè medizans sou li; e si sa wap di a pa verite, ou kalomnyel. »

Mwen te yon jenn gason anba swen Mesaje Allah a (se pou lapè ak benediksyon Allah avèk li), epi men mwen tap pwonmennen toupatou nan asyèt la, epi Mesaje Allah a (se pou lapè ak benediksyon Allah avèk li) te dim: «O jenn gason, site non Allah, epi manje ak men dwat ou, epi manje nan sa ki devan ou». Epi sa te rete fason mwen manje aprèsa.

Li pa pèmèt pou yon gason vire do bay frèl (pa pale avè l) pandan plis pase 3 nwit. Lè yo rankontre, youn vire figil sou kote, epi lòt la fè menm bagay la. Pi bon nan yo 2 a se sila a ki pran devan pou li salye (pou l di salam).

"Lè yonn nan nou ap fè ablisyon (woudou), se poul mete dlo nan nen li epi poul mouchel. Nenpòt moun kap netwaye tèt li ak wòch (istijmar), se pou li fè sa yon kantite fwa ki enpè. Epi lè yonn nan nou leve nan dòmi, li pa dwe mete men li nan veso dlo ablisyon an san li pa lavel anvan, paske yonn nan nou pa konnen kote men li te pase lannwit lan." Epi nan vèsyon Mouslim nan: "Lè yonn nan nou leve nan dòmi, li pa dwe plonje men li nan veso dlo a toutotan li pa lave li 3 fwa, paske li pa konnen kote men li te pase lannwit lan."