Encyclopedia of Prophetic Hadiths

«Moun ki fò a se pa moun ki konn bat moun nan goumen, men moun ki fò a se moun ki kontwole tèt li lè li an kòlè.»

« Pa fè jalouzi youn pou lòt, pa fè magouy sou pri pou twonpe youn lòt, pa rayi youn lòt, pa vire do bay youn lòt, epi youn pa dwe vin antre nan komès lòt la poul gatel ; okontrè, O sèvitè Allah yo, se pou nou viv tankou frè. Yon mizilman se frè yon lòt mizilman : li pa fèl lenjistis, li pa lagel nan tray, epi li pa meprizel . "Krentif pou Allah a (Taqwa) se la a li ye," epi li lonje dwèt li sou pwatrin li 3 fwa. "Li sifi kòm yon gwo mal pou yon moun ta meprize frè mizilman li an. Tout sa yon mizilman genyen se bagay ki sakre pou yon lòt mizilman atake : san l, byen li yo, ak onèl." »

«Pami sa ki fè Islam yon moun bèl se kite sa ki pa konsène li».

« Pwofèt la te di: "Evite 7 gwo peche ki detwi moun." Yo mande l: "O Mesaje Allah, kiyès yo ye?" Li reponn: "Se bay Allah asosye (chirk), fè maji (si-r), touye yon moun Allah entèdi touye sof pou yon rezon valab, manje enterè (riba), manje byen yon timoun òfelen, kouri kite chan batay la lè gè a pete , ak akize fanm ki chaste, ki kwayan e ki inosan (fè yo sispèk kòm fanm movèz vi)." »

«Moun ki kwè nan Allah ak Jou Dènye a, li dwe di sa ki byen, oubyen li dwe fè silans, epi moun ki kwè nan Allah ak Jou Dènye a, li dwe onore vwazen li, epi moun ki kwè nan Allah ak Jou Dènye a, li dwe onore envitel».

Yon Mesye te di Pwofèt la (ke lapè ak benediksyon Allah sou li): Fèm yon rekòmandasyon. Li di: «Pa fè kòlè». Konsa, li repete sa plizyè fwa, epi li di: «Pa fè kòlè».

«Pran prekosyon nou ak sispisyon; paske sispisyon se pawòl ki gen plis manti ladan li, piga nou fouye nan zafè moun, piga nou espyone, pa fè jalouzi youn sou lòt, pa vire do bay youn lòt, pa rayi youn lòt, epi se pou nou, adoratè Allah yo, viv tankou frè.»

"«Moun ki bay manti sou mwen ak entansyon, se pou li pran plas li nan Dife a»."