Encyclopedia of Prophetic Hadiths

«Bonte se gen bon karaktè, epi peche a se sa kap trakase nan kè ou, epi ou pa ta renmen moun konnen li.»

Mwen konseye nou pou nou toujou di laverite, paske laverite mennen nan fè sa ki byen (ladwati), epi fè sa ki byen mennen nan Paradi a. Yon moun ap kontinye di laverite epi chèche di sa ki vrè jiskaske Allah ekri non li kòm yon moun ki fidèl e sensè nèt (Siddīq). Epi fè atansyon ak manti, paske manti mennen nan move zak, epi fè move zak mennen nan Lanfè. Yon moun ap kontinye bay manti epi chèche bay manti jiskaske Allah ekri non li kòm yon gwo mantè.

«Moun ki fò a se pa moun ki konn bat moun nan goumen, men moun ki fò a se moun ki kontwole tèt li lè li an kòlè.»

Pwofèt la (ke lapè ak benediksyon Allah sou li) te pase bò kot 2 tonb, epi li te di: «Anverite, yap pini yo tou 2 epi se pa pou yon gwo zafè yap pini yo, kanta pou youn nan yo, li pat konn pwoteje tèt li kont pipi li, epi kanta pou lòt la, li te konn mache ap fè tripotay.» Aprèsa li te pran yon branch palmis frèch, li fann li an 2, epi li plante youn sou chak tonb. Yo te di: O Mesaje Allah, poukisa ou fè sa? Li te di: «Petèt sa ap soulaje yo toutan yo poko sèch.»

«Moun ki defann onè frè li, Allah ap repouse Dife a lwen vizaj li nan Jou Jijman an».

​"Pami sa moun yo te kenbe nan ansèyman premye pwofèt yo (ki te rive rive jis jodi a), se pawòl sa a: 'Si ou pa gen wont (menm), fè sa ou vle.'"

«Moun ki prive de dousè, li prive de tout byen.»

«An verite, avèk bon karaktè li, kwayan an rive atenn degre moun kap jene ak moun kap priye a.»