Encyclopedia of Prophetic Hadiths

«Sila a ki priye pandan Laylatoul Qadr avèk lafwa epi poul chèche rekonpans, tout pechel ki te pase yo ap padone»

«Yon lapriyè nan moske mwen sa a pi bon pase mil lapriyè nan nenpòt lòt moske, sof Moske Sakre a».

An verite, Pwofèt la (se pou lapè ak benediksyon Allah sou li) te soti vin jwenn nou, epi nou te di: "O Mesaje Allah, nou deja konnen kijan pou nou fè salitasyon lapè sou ou, donk kijan pou nou voye elòj sou ou?" Li te di: «Di: O Allah, voye elòj ou sou Mouhammad e sou fanmi Mouhammad, menm jan ou te voye elòj ou sou fanmi Ibrahim(Abraham) ; an verite, Ou diy de louwanj, Ou gloriye. O Allah, beni Mouhammad e sou fanmi Mouhammad, menm jan ou te beni fanmi Ibrahim; an verite, Ou diy de louwanj, Ou gloriye».

Pandan nou te chita avèk Pwofèt la (lapè ak benediksyon Allah sou li) nan moske a, yon mesye antre sou yon chamo. Li fè chamo a kouche nan moske a, li mare janm li, epi li di yo: "Kilès nan nou ki Mohammad?" Pwofèt la (lapè ak benediksyon Allah sou li) te chita ap apiye nan mitan yo, nou dil: "Se mesye sa a ki gen koulè blan an, ki chita ap apiye a." Mesye an di Pwofèt la: "O pitit Abdoul-Mouttalib!" Pwofèt la reponn li: "Mwen tande ou." Mesye an di Pwofèt la: "Map pozew yon kesyon, map mandew li ak fòs (map ensiste), donk pa fache avèm." Pwofèt la di li: "Poze kesyon sou sa ou vle." Mesye an di: "Map mandew nan non Granmèt ou a ak Granmèt moun ki te anvan ou yo: Èske se Allah ki voyew bay tout moun?" Pwofèt la reponn: "Wi, mwen fè sèman sou Allah." Li di: "Map mandew nan non Allah : Èske se Allah ki kòmandew pou nou fè 5 lapriyè yo chak jou ak chak nwit?" Pwofèt la reponn: "Wi, mwen fè sèman sou Allah." Li di: "Map mande w nan non Allah : Èske se Li ki kòmandew pou nou fè jèn mwa sa a nan ane a?" Pwofèt la reponn: "Wi, mwen fè sèman sou Allah." Li di: "Map mande ou nan non Allah : Èske se Senyè toupwisan an ki kòmandew pou nou pran zakat sa a nan men moun rich nou yo pou nou pataje li bay pòv nou yo?" Pwofèt la reponn: "Wi, mwen fè sèman sou Allah." Lè sa a, Mesye a di: "Mwen kwè nan sa ou pote a, epi mwen se yon reprezantan ki soti dèyè pèp mwen an. Mwen se Dimam ibn Tha'labah, yon frè nan branch fanmi Bani Sa'd ibn Bakr."

Mesaje Allah la (lapè ak benediksyon Allah sou li) te konn fè envokasyon epi li te di: «O Allah! Mwen mande Ou pwoteksyon kont pinisyon nan tonbo, kont pinisyon nan dife a, kont tantasyon lavi a ak lanmò, epi kont tantasyon fo mesi yo rele Mesye-Dajjal la». Epi nan yon vèsyon rapòte pa Mouslim: «Lè youn nan nou fini ak dènye Tachahhoud la, li dwe mande Allah pwoteksyon kont 4 bagay: kont pinisyon nan dife Lanfè, kont pinisyon nan tonbo, kont tantasyon lavi a ak lanmò, epi kont mal fo mesi yo rele Mesye-Dajjal la».

Pi bon ranje pou gason yo se premye a, epi pi move a se dènye a; pi bon ranje pou fanm yo se dènye a, epi pi move a se premye a.