839 Hadisai

Kundin Hadisan Annabi

A trusted digital reference for Islamic content in over 100 languages

Tace sakamako

86 daga cikin katuna 839

"Babu aure sai da waliyyi".

Ingantacce ne Abu Dawud da Tirmizi da Ibnu Majah da Ahmad ne Suka Rawaito shi

"Kada ku zagi Iska, idan kuka ga abinda ba kwa so to kuce: Ya Allah mu muna roƙonKa daga alherin wannan iskar, da alherin abinda ke cikinta, da alherin abinda aka umarce ta da shi, kuma muna neman tsarinKa daga sharrin wannan iskar, da kuma sharrin abinda ke cikinta, da kuma sharrin abinda aka umarce ta da shi".

Ingantacce ne Tirmizi ne ya ruwaito shi

«Ya Allah lallai ni ina neman tsarinKa, daga munanan ɗabi'u da ayyuka da soye-soyen rayuka».

Ingantacce ne Tirmizi ne ya ruwaito shi

Manzon Allah - tsira da amincin Allah su tabbata agare shi - ya cewa Abubakar da Umar: "Waɗannan biyun sune shugabannin dattijan 'yan aljanna daga na farko dana ƙarshe sai dai Annabwa da Manzanni".

Ingantacce ne Tirmizi ne ya ruwaito shi

"Matsayina da duniya, ni a cikinta ba komai bane sai kamar matafiyi ne akan abin hawa da ya sha inuwa a ƙarƙashin wata bishiya sannan ya tafi ya barta".

Ingantacce ne Tirmizi ne ya Rawaito shi

«Ina yi muku wasicci da jin tsoron Allah, da ji da bi, ko da bawa ne ya shugabance ku, domin cewa wanda ya rayu daga cikinku zai ga saɓani mai yawa, to na horeku da sunnata da kuma sunnar halifofina shiryayyu masu shiryarwa Ku riƙeta da turaman haƙoranku, na haneku daga fararrun al'amura; domin dukkanin bidi'a ɓata ce».

Ingantacce ne Abu Dawud da Tirmizi ne Suka Rawaito shi

«Ɗan Adam bai cika ƙwarya mafi sharri daga ciki ba, 'yan lomomi su ishi ɗan Adam waɗanda zasu tsaida bayansa, idan ya kasance babu makawa, to ɗaya bisa uku dan abincinsa, da ɗaya bisa uku dan abin shansa, da ɗaya bisa uku dan numfashinsa».

Ingantacce ne Imam Ahmad da Tirmizi da Nasa'i da Ibnu Majah ne Suka rawaito shi

«Kabar abinda kake kokwantansa, zuwa ga abinda baka kokwantansa».

Ingantacce ne Timizi da Nasa'i ne Suka ruwaito shi