Ku yi gaggawa da jana'iza, idan ta gari ce to alheri kuke kaita gare shi, idan kuma koma bayan haka ne, to sharri ne kuke sauke shi daga wuyayenku

Daga Abu Huraira - Allah Ya yarda da shi - daga Annbai - tsira da amincin Allah su tabbata agare shi - ya ce:

"Ku yi gaggawa da jana'iza, idan ta gari ce to alheri kuke kaita gare shi, idan kuma koma bayan haka ne, to sharri ne kuke sauke shi daga wuyayenku".

«أَسْرِعُوا بِالْجِنَازَةِ، فَإِنْ تَكُ صَالِحَةً فَخَيْرٌ تُقَدِّمُونَهَا، وَإِنْ يَكُ سِوَى ذَلِكَ، فَشَرٌّ تَضَعُونَهُ عَنْ رِقَابِكُمْ».

Bukhari da Muslim ne suka rawaito shi
Ingantacce ne
Bayani

Annabi - tsira da amincin Allah su tabbata agare shi - ya yi umarni da yin gaggawa da shirya jana'iza da yi mata sallah da kuma binneta; idan jana'izar ta kasance ta garice to alheri ne, kuke gabatarwa gare shi na ni'imar ƙabari, idan kuma ta kasance koma bayan haka ne to sharri ne kuke saukewa daga wuyayenku.

Daga Cikin Fa idodin Hadisin

Ibnu Hajar ya ce: An so yin gaggawa, sai dai ta inda abinda ake jin tsoron faruwar ɓarna ga mamaci, ko wahala akan mai ɗaukar ko mai rakiyar ya tsanananta matuƙa.

An ƙayyade gaggawar da idan mutuwar bata zama fuj'a ba wacce ake jin tsoron ta zama suma ce, to yana kamata kada a binneta har sai an tabbatar da mutuwarsa, ko ya zama akwai wata maslaha a cikin jinkirta shi, na yawaitar masallata, ko halartar 'yan uwansa, kuma ba'a jin tsoron ta ɓaci.

Kwaɗaitarwa akan yin gaggawa da jana'iza dan maslahar mamaci idan ya kasance ɗan aljanna ne, ko dan maslahar 'yan rakiya idan ya kasance ɗan wuta ne.

Nawawi ya ce: Ana ɗauka daga gare shi (wannan Hadisin) barin abokantakar da mutanen banza waɗanda ba mutanen kirki ba.

Manazarta

Sahih Al-Bukhari (2/ 86) (1315).

Sahih Muslim (2/ 651) (944).

Kari (4)

تيسير العلام شرح عمدة الأحكام.

لعبد الله البسام (ص284).

تنبيه الأفهام شرح عمدة الأحكام.

لابن عثيمين (2/ 367).

2 Littattafai
Kari (2)
Dukkan Katuna