Encyclopedia of Prophetic Hadiths

Wahayu jìgìna kira kan kisi b'a ye k'a to san bi naani de la, a ye san tan ani sàba sìgi makan, o kɔfɛ a yamaruyala ni funti ye, a funtira ka taa Madina, a ye san tan sìgi yen, o kɔfɛ a fatura nɛɛma ni kisi b'a ye.

Ne tun bɛ kira kɔfɛ fàli dɔ kan min tun bɛ weele ko gufeyiri, kira ko: << yaa muazi, yali i bɛ Ala ka hakɛ dɔn a ka jɔnw kan wa? Ani jɔnw ka hakɛ ye mun ye Ala kan? >> ne ko: Ala n'a ka kira de b'a dɔn, a ko: <<Ala ka hakɛ a ka jɔnw kan o ye k'a bàto fɛn kana fàra a kan, jɔnw ka hakɛ Ala kan o ye mɔgɔ kana làjaaba min ma fɛn fàra a kan>>, ne ko: yaa Ala ka ciden yali n' tɛ mɔgɔw lanisɔndiya ni nin ye wa? A ko: << kana u la nisɔndiya, a dɔla u b'u sinsin ni kan>>.

Kira ye fajiri seli n'an ye hudeyibiya dùgù la san dɔ jìgìnɛ kɔfɛ min nana su fɛ, tuma min a tilala a y'a ɲɛsin mɔgɔw ma, a ko: <<yali aw b'a dɔn aw tìgi ye min fɔ wa? >> u ko: Ala n'a ka ciden de b'a dɔn, kira ko, Ala y'a fɔ: << ne ka jɔn dɔ limaniya la n na, dɔ fana kafiriyala n ma, min ko: san nana ni Ala ka fusamanciya n'a ka hɛrɛ ye, o limaniyalen do ne la a kafiriyalen do dolo la, n ka ni min ko: san nana ni dolo masina ni masina sababu ye, o kafiriyara ne la ka limaniya dolo la >>.

Ko Afana den Usumana y'a laɲini ka kira ka Mìsìri jɔli kuraya n ka mɔgɔw y'a nankari, u y'a laɲini a k'a to a cogoyakɔrɔ la, Usumana ko: ne y'a mɛ kira da kisi b'a ye a b'a fɔ: << ni mɔgɔ min ye Mìsìri jɔ Ala ye Ala b'a ɲɔgɔn jɔ o ye alijana kɔnɔ>>.

<< ni jo tun bɛ di mɔgɔw ma n'u ka damakasi ye dɔw tun na damakasi kɛ mànto dɔw ka nàfolow n'u jòliw la, n ka dalilu bɛ ɲini damakasibaa de fɛ, kalenni bɛ ɲini nankaribaa fɛ >>.

Cɛ dɔ ko: yaa Ala ka ciden, an ye min waleya kodɔnbaliya waati an bɛ minɛ n'o ye wa? A ko: <<ni min ye silamɛya kɛ k'a ɲɛ o tɛ minɛ kɔrɔlen ma, ni min ma silamɛya kɛ k'a ɲɛ, o bɛ minɛ ni fɔlɔ ni laban ye >>.

<< i k'a dɔn mɔgɔw ye min sɔrɔ ɲɔgɔn na Nabiɲuman kunfɔlɔw ka kumakanw la o dɔ ye : n'i tɛ maloya ka ban fɛn kɛ min y'i diya >>.

<< hakɛ don silamɛ bɛɛ kan a ka kò dɔgɔkun kɔnɔ siyɛn kelen, a b'a kunkolo n'a fàrikolo ko >>.