Encyclopedia of Prophetic Hadiths

<< ni mɔgɔ min nana aw ma k'a sɔrɔ aw bɛnnen cɛ kelen ka màra kɔnɔ, a bɛ fɛn k'aw fàra, k'aw ka faraɲɔgɔnkan cɛn, aw y'a fàga >>.

Anw ye an kan di kira ma nɛɛma ni kisi b'a ye lamɛnni n'a kumakan bàtoli la nɔgɔya ni gɛlɛya tuma la, ani fàrifoni ni kɔnni, ani a fusayali la an kan, ani k'an tɛ ɲɛmɔgɔ kɛlɛ, ani an bɛ tuɲa fɔ an bɛ yɔrɔ wo yɔrɔ, an tɛ an jà gɛlɛya Ala la jalakilibaa ka jalakili ɲɛ.

<< ni mɔgɔ min bɔra kumakan labàtoli kɔnɔ ɲɛmɔgɔ kɔ, ka fara ka bɔ jàma la o kɔfɛ a fatura o kan, o fatura kodɔnbaliya dùngew ka fatucogo kan, ni mɔgɔ min ye kɛlɛ kɛ fiyɛntɔya jɔnjɔn kɔrɔ, a bɛ dimi dɔ kama, a bɛ weeleli kɛ ni kɛlɛ ye ka taa dɔ ma, wali ka taa dɔ dɛmɛ, n'a fatura o kan, a fatura kodɔnbaliya dùngew ka fatucogo kan, ni mɔgɔ min bɔra nìn mànton n kama, k'a ɲumankɛla n'a cɛnnikɛla bɛɛ gòsi ɲɔgɔn fɛ, a tɛ siran a limaniyajɔn fàgali kɔ la, wa a tɛ kàlifadunge ka kàlifa matarafa, o tɛ ne dɔ ye wa ne tɛ o dɔ ye>>.