Encyclopedia of Prophetic Hadiths

I k'a dͻn Ala ye màsà sanuman de ye w'a tɛ foyi labi fo fɛn sanuman, wa i k'a dͻn Ala ye muuminuw yaamaruya ni fɛn ye a ye cidenw yaamaruya ni min ye, Ala ko - a ka se kͻrͻtara - : Eh aw cidenw aw ye dumunikɛ kabͻ fɛn sanumanw la, aw ka baara ɲuman kɛ; Ala ko tuguni : Ee aw limaniyajͻnw aw ye dumunikɛ kabͻ fɛn sanumanw la, ne y'aw garisɛgɛ min na, o kͻfɛ, a ye cɛ dͻ kofͻ a be taama sira jan fɛ, a kunsiw ɲagasalen do, gͻngͻn b'a kan, a b'a bolo bamba kataa sanfɛ: Ee ne tigi Ala! Ee ne tìgì Ala ! O b'a sͻrͻ a ka balo ye haraamu ye, aminiji ye haraamu ye, a donfini ye haraamu ye, a yɛrɛ balola haraamu dela, a fo tumanjumɛn o ka dugawu bɛna jaabi sa?

<< i k'a dɔn seli min ka gɛlɛn nafiki ma o ye saafoseli ni fajiriseli de ye, n'u tun b'a dɔn min bɛ sɔrɔ o fila la u tun bɛ na u ma hali n'u b'u munuman, ne hamina n'a ye n ka yamaruya kɛ seli ka jɔ, o kɔfɛ ka dɔ yamaruya ka seli ni mɔgɔw ye, o kɔfɛ ka cɛ dɔw sugandi ka na n nɔfɛ lɔgɔsiri bɛ minnu bolo an ka taa don selibaliw kan, ka u ka sow jeni tasuma la u kan>>.

N y'a mɛ kira da nɛɛma ni kisi b'a ye ka kɔn a faatuli ɲɛ ni su duuru ye a tun bɛ k'a fɔ: <<ne b'a kɔn a dɔ ka kɛ ne dagawuliteri ye, i k'a dɔn Ala ye ne minɛ k'a kɛ a dagawuli ye, i n'a fɔ a ye iburahima k'a dagawuli ye cogomin, ni ne tun bɛ mɔgɔ dɔ kɛ n dagawuli ye n ka màntonw la o tun bɛ kɛ Abubakari de ye, i k'a dɔn mɔgɔdɔw tun kɛra ka kɔn aw ɲɛ u tun bɛ u ka Nabiɲumanw ni mɔgɔɲumanw de kaburu kɛ seliyɔrɔ ye, aw ka na ne kaburuw minɛ k'a kɛ seliyɔrɔ ye, ne bɛ aw bàli o la >>.

Tuma min haya jìginna: { o kɔfɛ aw bɛ na ɲininka nɛɛmaw la o don na}[cayaɲɔgɔnya suran: 8], zubeyiri ko: yaa Ala ka ciden, an bɛ na ɲininka nɛɛma jumɛn la, yali nɛɛma fiman fila de ko don wa n'o ye tamaro ni ji ye ? Kira ko: << a dɔn kɔni k'o bɛna kɛ>>.

<< Ni min ye tɔɔrɔ kɛ Ala b'o tɔɔrɔ, ni min ye gɛlɛya kɛ Ala bɛ gɛlɛya k'o kan >>.

<< i k'a dɔn Ala bɛ tɔɲɔnikɛla kɔnɔ, fo n'a y'a minɛ a tɛ kila a la>> a ko: o kɔfɛ kira ye kurana haya kalan: << { i tìgi ka minɛli bɛ o cogo de la, n'a ye dùgumɔgɔw minɛ k'a sɔrɔ u bɛ tɔɲɔni na, i ka dɔn a ka minɛli ka gɛlɛn dimi b'a nɔfɛ}>> [hudu kofɔ suran: 102].

Kɔ dɔ fɔra kira ye kisi b'a ye, a ko: << ni kɔ n bɛ kɛ dɔnni taali tuma de la>> ne ko : yaa Ala ka ciden, dɔnni bɛ taa cogodi, k'a sɔrɔ anw bɛ ka kurana kalan k'an denw kalan a la, anw denw fana bɛna u denw kalan a la fo ka see kiyama don ma? Kira ko: << i bá bɔnɛra i la ziyadi, ne tun b'i bisigi mɔgɔlafamuyalen dɔ ye Madina dugu kɔnɔ, yali e m'a ye ni yahudiya ni nasara ninnu bɛ ka tawurata ni bibulu kalan, n ka u tɛ ka baara kɛ ni u kɔnɔ fɛn si ye wa !?>>

<< n'aw ye Mìsiriweelela mankan mɛ aw ye segin a ka fɔta kan, o kɔfɛ a ka seli ne kan, i k'a dɔn ni min selila ne kan siyɛn kelen Ala bɛ seli o kan siyɛn tan, o kɔfɛ aw ka Ala deli ne ye so kɔrɔtalen na, o ye so de ye alijana kɔnɔ, a bɛ di Ala ka jɔn kelen de ma, ne b'a nàta o ka kɛ ne ye, ni mɔgɔ min y'a ɲinin ne ye ne ka sɔrɔnadonni bɛ o ye >>.