Encyclopedia of Prophetic Hadiths

<< aw ka tasuma ye jahanama tasuma fànbiwolonfila fàn dɔ de ye >>, a fɔra: yaa alakira, k'a sɔrɔ duniya ta n bɛ wàsa kɛ. A ko: << kalaya bi wɔɔrɔ ni kɔnɔtɔn de bɛ fàra a kan u kelen bɛɛ bɛ i ko duniya ta >>

<< dɔnni kɔrɔtali bɛ duniyawilili taamasiyɛn na, ani kodɔnbaliya cayali, jɛnɛya bɛ caaya, dɔlɔmin bɛ caya,cɛw bɛ dɔgɔya, musow bɛ caya f'a bɛ na kɛ cɛ kelen bɛ mùso biduuru màgo dilan >>.

Ko kira ko taama sira kan nɛɛma ni kisi b'a ye Muazi b'a kɔfɛ:<< yaa jabali den Muazi >> a ko: n nisɔndiyalen y'i laminɛ kira, kira ko tugunni : << yaa jabali den Muazi >> a ko: n nisɔndiyalen y'i laminɛ kira, siyɛn sàba, Kira ko: <<mɔgɔsi tɛ seereya ko tìgi foyi tɛ yen fo Ala Mamadu y'a ka ciden ye tuɲa boloma a dusukun na fo Ala ka tasuma haramuya o kan>>, a ko: yaa Ala ka ciden, y'ali n tɛ mɔgɔw lanisɔndiya a la wa u bɛ nisɔndiya? Kira ko: << u bɛ u wàsadon o dɔrɔn na>>. Muazi ye hadisa n lakalen a faatu waati jùrumu sɔrɔli siraɲɛ kama.

Mɔgɔdɔw ye kira ɲininka somaw ka ko la, a k'u ma nɛɛma ni kisi b'a ye : << somaw tɛ fɛn dɔn >> u ko: yaa Ala ka ciden, u bɛ kuma fɛn dɔ kan tumadɔw la o bɛ kɛ tuɲa ye, kira ko nɛɛma ni kisi b'a ye: <<o tuɲa kuman n bɛ mɛ jinɛ de fɛ sanfɛ a bɛ na n'a ye k'a kalan soma tulo la i n'a fɔ sisɛ mangan, soma bɛ nkalon ɲagami a la min ka can ni kɛmɛ ye>>.

<< Ne mànton bɛɛ bɛ don alijana kɔnɔ fo ni min Bànna>> a fɔra jɔn bɛ bàn yaa Ala ka ciden! a ko << ni min ye ne kumakan labàto o bɛ dòn ni min ye n sɔsɔ o bànna >>.

<< i k'a dɔn Ala ko:ni mɔgɔ min ye ne ka jɔn ɲuman (waliyu)dɔ tɔɔrɔ n b'o kɛlɛ, wa ne ka jɔn tɛ gɛrɛ ne la ni fɛn ye min kadi ne ye ka tɛmɛ n ye min faridaya a kan, ne ka jɔn ma kɛ a bɛ ka gɛrɛ ne la ni nafilaseli ye fo n b'a kànu, ni n y'a kànu : n bɛ k'a tulo ye a bɛ lamɛli kɛ ni o min ye, n bɛ k'a ɲɛ ye a bɛ yeli kɛ ni min ye, a n'a tɛgɛ a bɛ tàli kɛ ni o min ye, a n'a sen a bɛ tagama ni o min ye, n'a ye n deli n b'a sɔn, n'a ye tàngali ɲini n fɛ n b'a tànga>>.

A ko filaninkafɔ dɔw tun kɛra u ye fàgali ni jɛnɛya kɛ ka caaya, u na na kira Mamadu ma nɛɛma ni kisi b'a ye, u ko: i bɛ ka min fɔ ani ka weeleli kɛ ka taa min ma o ye ɲuman de ye, anw kibaruya an ye min kɛ kojuguw la n'a be yàfa , haya jìginna { mɔgɔ minnu tɛ fɛn wɛrɛ weele ka fàra Ala kan wa u tɛ ni fàga Ala y'o min haramuya fo n'a kɛra tuɲa ye wa u tɛ jɛnɛya kɛ} [Faranfasili kofɔ suran 68], haya dɔwɛrɛ jìgina:{ a fɔ u ye, yaa ne ka jɔnw minnu ye dan tɛmɛ Alasɔsɔ la, aw ka n'aw jìgilatigɛ ne ka hinɛ la} [Jamakulu caman kofɔ suran 53]

Duniya tɛ wuli fo tile ka bɔ a bìnyɔrɔ fɛ, n'a bɔra ko mɔgɔw y'a ye u bɛɛ bɛ limaniya, o waati la: { nin foyi ka limaniya t'a nàfa n'a tun ma limaniya ka kɔrɔ,wali a ka limaniya ma hɛɛrɛ see a ma} [baganw kofɔ suran]. Duniya bɛ wuli ka sɔrɔ mɔgɔ fila y'u ka fìni da jàgo la u ni ɲɔgɔn cɛ u tɛ sɛ k'a feere, wa u tɛ sɛ k'a kuru, duniya bɛ wuli k'a sɔrɔ cɛ dɔ y'a kɔ don n'a ka ɲɔgɔmɛ nɔnɔ ye a tɛ sɛ k'a min, duniya bɛ wuli k'a sɔrɔ dɔ y'a ka jiminan labɛn a tɛ sɛ k'a min a la,duniya bɛ wuli k'a sɔrɔ aw dɔlakelen y'a ka lɔgɔma kɔrɔta ka see a da ma a tɛ sɛ k'a dun >>.