Encyclopedia of Prophetic Hadiths

<< Ala ye ntalen gosi sira tilenen dɔ la, koko fila bɛ sira n kɛrɛ fila la, donda bɛ koko fila n na u dayɛlɛnen do, ka suturalan samanen fila bila u da la, weeleli kɛla dɔ bɛ sira n daminɛ la a b'a fɔ: yaa aw mɔgɔw, a ye tɛmɛ sira n fɛ aw bɛɛ aw ka na jɛngɛ, weeleli kɛla wɛrɛ bɛ weeleli kɛ siran n kun na, ni dɔ y'a laɲini ka donda dɔ yɛlɛn, a b'a fɔ: ka n'a yɛlɛn halaki b'i ye! N'i y'a yɛlɛn dɔrɔn i tɛ sɛ k'i yɛrɛ bàli a donni ma, kira ko o sira n ye silamɛya de ye, kokofila n ye: Ala ka dànw de ye, donda yɛlɛnnenw ye: haramu kow ye, weeleli kɛla min bɛ sira daminɛ la o ye kurana ye, min bɛ sira kun na o ye Ala ka waajuli ye silamɛ bɛɛ dusukun na>>.

I k'a dͻn Ala ye màsà sanuman de ye w'a tɛ foyi labi fo fɛn sanuman, wa i k'a dͻn Ala ye muuminuw yaamaruya ni fɛn ye a ye cidenw yaamaruya ni min ye, Ala ko - a ka se kͻrͻtara - : Eh aw cidenw aw ye dumunikɛ kabͻ fɛn sanumanw la, aw ka baara ɲuman kɛ; Ala ko tuguni : Ee aw limaniyajͻnw aw ye dumunikɛ kabͻ fɛn sanumanw la, ne y'aw garisɛgɛ min na, o kͻfɛ, a ye cɛ dͻ kofͻ a be taama sira jan fɛ, a kunsiw ɲagasalen do, gͻngͻn b'a kan, a b'a bolo bamba kataa sanfɛ: Ee ne tigi Ala! Ee ne tìgì Ala ! O b'a sͻrͻ a ka balo ye haraamu ye, aminiji ye haraamu ye, a donfini ye haraamu ye, a yɛrɛ balola haraamu dela, a fo tumanjumɛn o ka dugawu bɛna jaabi sa?

<< Ni mɔgɔ min ye Mìsìmuso kofɔ suran hayalaban fila kalan su kɔnɔ, o fila b'a wàsa >>.

Tuma min haya jìginna: { o kɔfɛ aw bɛ na ɲininka nɛɛmaw la o don na}[cayaɲɔgɔnya suran: 8], zubeyiri ko: yaa Ala ka ciden, an bɛ na ɲininka nɛɛma jumɛn la, yali nɛɛma fiman fila de ko don wa n'o ye tamaro ni ji ye ? Kira ko: << a dɔn kɔni k'o bɛna kɛ>>.

<< ban duniya la Ala bɛ k'i fɛ, kaari mɔgɔw bolofɛn kɔ u b'i kanu>>.

<< yali n tɛ aw ladɔnniya jùrumu kunbabaw la belebele la wa?>> siyɛn sàbà u ko: an ladɔnniya yaa Ala ka ciden, a ko: << dɔ fàràli Ala kan, ani bangebaa sɔsɔ >> a tu nɔnkɔnmasanlen do a y'a sìgì ka ŋɛ a ko: << ani nkalon jugu tigɛ>>, bakarata fà ko: kira segin seginna a kan fo anw ko: hali n'a ya to ten.

<< jùrumu kunbaba ye: dɔ fàràli Ala kan, ani bangebaa sɔsɔ, ani nin fagali, ani kalenni nkalon kan >>.

<< I k'a dɔn halala bangenen do, haramu fana bangenen do, ɲagamini b'u fila ni ɲɔgɔncɛ mɔgɔ caman t'a dɔn, ni min y'a yɔrɔmanjanya ɲagaminɛ ninnu na o kisira a ka diinɛ n'a dànbe ye, ni min binna ɲagamin n dingɛ kɔnɔ o bina haramu kɔnɔ, i n'a fɔ bagangɛnna min bɛ ka gɛngɛnni kɛ màsàkɛ ka yɔrɔ kɛrɛnkɛrɛnnen kɛrɛfɛ baganw surunyara u bɛ don a kɔnɔ, i k'a dɔn yɔrɔ kɛrɛnkɛrɛnnen bɛ màsa bɛɛ ye , Ala ka yɔrɔ kɛrɛnkɛrɛnnen y'a ka haramukow de ye, i k'a dɔn sogokuru dɔ bɛ farikolo la, n'a ɲɛna farikolo fan bɛɛ bɛ ɲɛ, n'a cɛnna fana farikolo fan bɛɛ bɛ cɛn, o ye dusukun de ye >>.