যিয়ে দুজনী কন্যা সন্তানক প্ৰাপ্তবয়স্ক নোহোৱালৈকে ভালকৈ লালন-পালন কৰিব, কিয়ামতৰ দিনা তেওঁ আৰু মই এনেকৈ নিকটৱৰ্তী থাকিম।" তেখেতে এই কথা কৈ দুটা আঙুলিক একেলগ কৰি দেখুৱালে।

সেই ব্যক্তিৰ বাবে আছে মহা ছোৱাব, যিয়ে নিজৰ ছোৱালীক উত্তমৰূপে লালন-পালন কৰে তথা ভাল শিক্ষা দিয়ে আৰু অৱশেষত বিয়া দিয়ে। এইদৰে ভনীৰ লালন-পালনৰ ক্ষেত্ৰতো ছোৱাব প্ৰদান কৰা হয়।

ল'ৰাৰ লালন-পালনৰ ছোৱাবৰ তুলনাত ছোৱালীৰ লালন-পালনৰ ছোৱাব অধিক। যিহেতু সিহঁতৰ বিষয়ে এনেকুৱা কোনো ছোৱাবৰ কথা উল্লেখ হোৱা নাই। কাৰণ ল'ৰাৰ লালন-পালনৰ তুলনাত ছোৱালীৰ লালন-পালন কৰাটো অধিক কঠিন বিষয়। কাৰণ সিহঁত হৈছে পৰ্দাশীল, সকলো কাম সিহঁতে নিজে কৰিব নোৱাৰে। লগতে ল'ৰাৰ দৰে সিহঁত স্বতন্ত্ৰও নহয়। এইদৰে পিতাই সিহঁতৰ পৰা এইটোও কামনা নকৰে যে, সিহঁতে তেওঁক শত্ৰুৰ পৰা ৰক্ষা কৰিব, তেওঁৰ নাম উজ্জ্বল কৰিব আৰু তেওঁৰ বংশ বিস্তাৰ কৰিব। যিদৰে ল'ৰাৰ পৰা কামনা কৰে। এতেকে ছোৱালীসকলৰ প্ৰতি ব্যয় কৰিবলৈ ধৈৰ্য্য, ইখলাচ (নিষ্ঠা) আৰু সৎ নিয়্যতৰ প্ৰয়োজন। সেয়ে ইয়াৰ ছোৱাবো ডাঙৰ। আনকি এনেকুৱা ব্যক্তিয়ে কিয়ামতৰ দিনা নবী চাল্লাল্লাহু আলাইহি অছাল্লামৰ সাহচৰ্য্য লাভ কৰিব।

নাৰীৰ প্ৰাপ্তবয়স্ক হোৱাৰ সংকেতঃ পোন্ধৰ বছৰ বয়স সম্পূৰ্ণ কৰা। হায়েজ হোৱা, যদিও পোন্ধৰ বছৰৰ আগতে হয়। নাভীৰ তলত লজ্জাস্থানৰ আশে পাশে নোম গজা। স্বপ্নদোষ হোৱা তথা সপোনত বীৰ্যস্খলন হোৱা।