Skip to content
732 Hadiths

Encyclopedia of Prophetic Hadiths

Filter results

75 of 732 cards

Clear filters
"ku seeti ku feebar, te ab digam ñëwagul, mu wax juróom-ñaari yoon: As-alul Laaha Al-Hasiima Rabba Al-Harsi al-hasiimi an yasfiyaka, lu dul ne Yàlla dana ko may jàmm ca feebar boobu".
Wér na Abóo Daawuda soloo na ko, At-tirmisiy, ak Ahmat.
التصنيف الشرعيالرقية الشرعية وأحكامها
"kenn ku fekke Badar ak Al-Hudaybiya du dugg Sawara".
Wér na Ahmad moo ko soloo, te cosaan li ma nga ca Sahiihu Muslim.
التصنيف الشرعيالصحابة وفضلهم
Ñëw naa vi Safwaan ibn Assaal Al-Muraadii, di ko laaj masaa ci ay Saŋ, mu ne ma: lam moo la indi yaw Sirr? Ma ne ko ngir sàkku xam-xam, mu ne ma: malaaka yi de dañuy teg seen i laaf ñeel kiy sàkku xam-xam; ngir gërëm li mu sàkku, ma ne ko: liy mbir mooy masaa ci ay Saŋ ginnaaw saw ak xayta day nux-nuxi ci sama dënn, te yaw bokk nga ci sahaabay Yonnente bi yal na ko Yàlla dolli xéewal ak mucc ma ñëw ngir laaj la: ndax dégg nga ko muy wax ci loolu dara? Mu ne: waaw, daan na nu digal bu nu nekkee way-tukki walla ay tukkikat, nu bañ a summi sunuy Saŋ ñatti fan ak seen i guddi, lu dul ci janaba, waaye ci xayta, ak saw, ak nelaw, ma ne ko: ndax dégg nga ko miy tudd mbàggeel? Mu ne: waaw, nekkoon nanu ak Yonnente Yàlla bi yal na ko Yàlla dolli xéewal ak mucc ci tukki, ba nu nekkee fa moom rekk benn kaw-kaw woo ko ci kàddu gu xumb: éey Muhammat, Yonnente bi yal na ko Yàlla dolli xéewal ak mucc tontu ko nu mel ni kàddoom ga: "waaw ñëwal" nu ne ko: yal na nga toskare, wàcceel sa kàddu gi, yaa ngi fi Yonnente Yàlla bi yal na ko Yàlla dolli xéewal ak mucc, te danu noo tere lii, mu daal di ne: giñ naa ci Yàlla ne duma wàcce sama kàddu, kaw-kaw ne: nit ki dana bëgg aw nit te jotu leen, Yonnente bi yal na ko Yàlla dolli xéewal ak mucc daal di ne: "nit ki ki mu bëgg lay ànd al ëllëg bis-pénc", deñul di nu waxtaanal, ba tudd ab bunt bu nekk ci wetu sowwu, doxub yaatuwaayam, walla aji-war ji dana dox ci yaatuwaayam ñent-fukk walla juróom-ñaar-fukki at.
Wér na At-tirmisiy soloo na ko, ak Ibnu Maaja, ak Ahmat.
التصنيف الشرعيالمسح على الخفين ونحوهما
jenn waay laaj na Yonnente Yàlla bi yal na ko Yàlla dolli xéewal ak mucc, ne ko: yaw Yonnente Yàlla bi, nun danuy dugg ci géej gi, di yor tuuti ndox, bu nu ci jàppee daal di mar, ndax nu jàppu ci ndoxum géej gi? Yonnente Yàlla bi yal na ko Yàlla dolli xéewal ak mucc ne ko: «moom am ndoxam lu laab la , am méddam it lu dagan la».
Wér na Abuu Daawuda ak At-Tirmisiyyu ak An-Nasaa-iyyu ak Ibn Maaja ak Ahmad ñoo ko soloo.
التصنيف الشرعيأحكام المياه
Nekkoon naa ak Yonnente bi yal na ko Yàlla dolli xéewal ak mucc ci benn tukki, ma xëy benn bis jegesi ko fekk ñoo ngi dox, ma ne ko: yaw Yonnente Yàlla bi, xibaar ma jëf joo xam ne dana ma dugal àjjana di ma soreele sawara, mu ne ma: "laaj nga lu màgg, waaye lu yomb la ci ku ko Yàlla yombal ci moom, dangay jaamu Yàlla te doo ku bokkaale ak dara, di taxawal julli, di joxe asaka, di woor weeru koor, te aji néeg ba" topp mu ne: "ndax duma la tegtal bunti yiw yi: woor ab pakk la, saraxe day fay njuumte kem ni ndox di faye sawara, ak jullig nit ki ci xaaju guddi " topp mu jàng: laayab « tata jaafaa junuubuhum ba àgg Yahlamuun » topp mu ne : "ndax duma la xibaar boppu mbir mi yépp ak kenoom?" Ma ne ko: ahakay yaw Yonnente Yàlla bi, mu ne: "boppu mbir mi mooy lislaam, kenoom di julli, njobbaxtal la di jihaad" topp mu ne : "ndax duma la xibaar li moom loolu lépp nag?" Ma ne ko: ahakay yaw Yonnente Yàlla bi, mu téye ci làmmiñam, daal di ne: "téyeel sa lii" ma ne ko: yaw Yonnente Yàlla bi, kon dees nuy jàppe li nuy wax? Mu ne ma: "yal na la sa yaay ñàkk yaw Muhaas, mo ndax dara dana këpp nit ñi ci seen kanam ya walla seen gémmiñ ya ca sawara lu dul seen góobiti làmmiñ?".
Wér na ci kaw bees boolee mbooleem yoon yi mu ñëwee At-tirmisiy soloo na ko, ak Ibnu Maaja, ak Ahmat.
التصنيف الشرعيالإسلام
Yonnente Yàlla bi yal na ko Yàlla dolli xéewal ak mucc daan na bëgg ñaan yi làmboo lu bari, daan bàyyi yu dul yooyu.
Wér na Abóo Daawuda soloo na ko,ak Ahmat.
التصنيف الشرعيآداب الدعاء
Wax naa Yonente bi yal na ko Yàlla dolli xéewal ak mucc: doy na la sëkk ci Safiyyatu lii ak lii, -kenn ci nettalikat yi nee na: maanaam dafa gàtt- mu ne ko: wax nga kàddu gog bu ñu ko jaxase woon ak ndoxum géej gi mu jaxase ko" ne na: ma nettali ko kenn nit, mu ne ma: bëgguma di wax ci nit donte damaa am lii ak lii".
Wér na Abóo Daawuda soloo na ko, At-tirmisiy, ak Ahmat.
التصنيف الشرعيالأخلاق الذميمة
"mbir mii (te mooy diine ji ) dana egg fu guddi gi ak bëccëg gi egg, te Yàlla du bàyyi kërug taax walla kërug kaw lu dul ne dana fa dugal diine ji, ci teddaangey aji-tedd walla toroxtaangey aji-torox, ag teddaange ju Yàlla di terale Lislaam, ak toroxtaange ju Yàlla di toroxale kéefar", Tamiim Addaarii daan na wax naan: loolu de ci sama waa kër laa ko xame, ku ci tuub ci ñoom rekk am na yiw teddnga ak ug màgg, ku ci weddi ci ñoom am na toroxtaange ak ug tuuti ak joxe juuti.
Wér na Ahmat soloo na ko.
التصنيف الشرعيالدعوة إلى الله، دلائل النبوة، أشراط الساعةموضوعات الحديثالدعوة إلى الله، الإيمان بالرسل عليهم السلاممحاور التعريف بالإسلامالإسلام هو الدين الحق