Encyclopedia of Prophetic Hadiths

Gis naa Ammaar ibn Yaasir mu dugg ci jàkka ji daal di julli woyofal julli gi, nee na: ba mu génnee, ma jug dem ci moom, ne ko: yaw Abaa Al-Yaqsaan, woyofal nga de, mu ne ma: ndax dangaa gis ma wàññi ci ay dayoom dara?! Ma ne ko: déedéet, mu ne ma: damaa gaawantu di njëkkante ak yàqi saytaane, dégg naa Yonnente Yàlla bi yal na ko Yàlla dolli xéewal ak mucc mu wax naan: " jaam bi dana julli julli ga, te deesu ko ca bindal lu dul fukkeelu xaaj ba, juróom-ñenteel ba, juróom-ñatteel ba, juróom-ñaareel ba, juróom-benneel ba, juróomeel ba, ñenteel ba, ñatteel ba, genn wall ga".

"ku amul kóolute amul ag ngëm, ku amul kóllare amul ag ngëm".

Jenn waay ñëw na ci Yonente bi yal na ko Yàlla dolli xéewal ak mucc ne ko: assalaamu halaykum, mu fay ko mu daldi toog, Yonnente bi ne: "fukk" keneen daal di ñëw ne: assalaamu halaykum wa rahmatu Laah, mu fay ko mu toog, mu wax ne: "ñaar fukk" topp keneen ñëw daal di ne: assalaamu halaykum wa rahmatul Laahi wabarakaatuhu, mu fay ko mu toog, mu ne: "fanweer".

Ñi nu doon jàngal Alxuraan ci Sahaabay Yonnente bi -yal na ko Yàlla dolli xéewal ak mucc- wax nañu nu ne ñoom dañu daan jàng ci Yónente bi fukki aaya, daawuñu jëlaat dara tek ko ca fukk ya ba baa ñuy xam li nekk ci yii ci xam-xam ak jëfe, nu wax ne: ñu boole xam ak jëfe.

"loo xam ne lu bareem day màndiloo kon lu néewam dafa araam".

Benn waay dafa ñëw ci Yonnente bi -yal na ko Yàlla dolli xéewal ak mucc-, wax ak moom ci yenn mbir yi, daal di ne ko: bu soobe Yàlla soob la, Yonnente bi -yal na ko Yàlla dolli xéewal ak mucc- ne ko: "ndax dangamay yamale ak Yàlla? Waxal: bu soobe Yàlla moom dong".

Wax naa: yaw Yonente Yàlla bi: kan laay gën a rafetal ci moom? Mu ne ma: "sa yaay, topp ca sa yaay, topp ca sa yaay, topp ca sa baay, topp ca ki gën a jege".

"buleen tere jibéeri Yàlla yi jàkkay Yàlla yi, waaye nañu génn nekk ñu lëmësu".