Encyclopedia of Prophetic Hadiths

"bu genn jigéen tukki lu mat doxub ñaari fan lu dul mu ànd ak jëkkëram walla ab jegeñaaleem , te kenn du woor ci ñaari bis yii : korite ak tabaski, kenn du julli ginnaaw suba gi ba keroog jant bi di fenk, du caagine it ginnaaw tàkkusaan ba keroog muy so, deesul war jëm cib tukki lu dul ñeel ñatti jàkka: jàkkay Màkka ja ñu wormaal, ak jàkkay Aqsaa, ak sama jàkka jii".

"Yàlla mu baarkeel mi te kawe day wax waa àjjana: éey yéen waa àjjana? Ñu ne ko wuyusi nanu la topp nañu la ak mbegte, mu ne leen: ndax gërëm ngeen? Ñu ne ko: lu ñuy teree gërëm te nga jox nu loo joxul kenn ci sa mbindeef yi? Mu ne leen: dama leen di jox lu gën loolu, ñu ne ko: yaw sunu Boroom, ana lan moo gën loolu? Mu ne leen: wàcce naa sama ngërëm ci seen kaw, dootuma leen mere ba fàww".

Yonnente bi yal na ko Yàlla dolli xéewal ak mucc moo ëppoon kersa jigéen gi sëyagul, bu gisee mbir mu mu bañ ci kanamam gi lañu koy xame.

«ku woor benn bis ci yoonu Yàlla, Yàlla soreele jëmmam ca sawara juróom-ñaar-fukki Nawet».

Aliyun Ibn Abii Taalib yal na ko Yàlla dollee gërëm dafa yónnee ci Yonente bi yal na ko Yàlla dolli xéewal ak mucc mu bawoo Yaman as wurus mu nekk ci abder bu nu wulli, te setaluñu ko sax ca suuf sa, nee na: mu sédale ko ci diggante ñenti nit, diggante Uyaynata ibn Badrin, ak Aqrah ibn Haabis, ak Saydul Xayri, ñenteel bi benn muy Halqamata walla muy Aamir ibn Attufayl, jenn waay ci ay àndandoom ne: nun de noo gënoon a yayoo lii ci ñii, nee na loolu egg ci Yonnente bi yal na ko Yàlla dolli xéewal ak mucc, mu wax ne: "mo ndax wóoluwuleen ma te man maay kóoluteg ki ci asamaan xibaaru asamaan dima dikkal suba ak ngoon", nee na jenn waay jug bët yi dugg, jë bi génn, kawaru sikkim bi sëq, mu wat kawar gi, mu gàtt kodaay, daal di ne: yaw Yonnente Yàlla bi, ragalal Yàlla, mu ne ko: "toskare ñeel na la, ndax du maa gën a yay ci waa suuf ci ragal Yàlla" nee na: waa ji dummooyu dem, Xaalid ibnul Waliid ne : yaw Yonnente Yàlla bi, ndax duma dagg baat bi? Mu ne ko: "déedéet, amaana moo ngi julli" Xaalid ne ko: bariwaa na kuy julli, di wax ci làmmiñam lu nekkul ci xolam, Yonnente Yàlla bi yal na ko Yàlla dolli xéewal ak mucc ne ko: "man digaluñu ma ma wëlbati xoli nit ñi, du caagine ma xotti seen biir yi" nee na: topp mu xool ko muy dem, mu wax ne: "dana génn ci ndiggul waa jii ay nit wow dañuy jàng téereb Yàlla bi mu tooy xepp, te du weesu seen put yi, dañuy génn ci diine kem ni fett gi di génne ci sànnikaay bi", te njort naa ne dafa wax ne: "bu ma leen fekke woon kon dinaa leen ray rayug Samuud".

«bu ngeen déggee woote gi nangeen wax lu mel ni li noddkat bi di wax».

Daan nanu génne asakay muurum koor jamanoy yónente bi, ngir xale ak mag, gor ak jaam, muy Saah ci ñam, walla Saah ci soow mu ñu wayal, walla Saah ci Pepp, walla Saa, walla Saah ci tàndarma, walla Saah ci Raseen bu wow, daanañ ko génne ba Muhaawiya ibn Abii Sufyaan yal na leen Yàlla dollee gërëm ñëw fi nun di aj, walla umra mu wax ak nit ñi ca kaw Minbar ba, mu bokk ca la mu wax ak nit ñi, mu ne leen: man de gis naa ne ñaari Mudd peppu Saam, day tolloo ak Saah ci tàndarma, nit ñi jël loolu, Abuu Sahiid nee na: man nag moom duma deñ di ko génne na ma ko daan génnee ba fàww fii ak maa ngi dund.

«dinañu indi dee ci melow kuuy mu duuf, ab wootekat daal di woote: yéen waa àjjana, ñu yoqamtiku di xool, mu wax ne: ndax xam ngeen lii ? Ñu ne ko: waaw, lii mooy dee, te ñoom ñépp a ko gis, mu woote ne: yéen waa sawara, ñu yoqamtiku di xool, mu wax ne: ndax xam ngeen lii ? Ñu ne ko: waaw, lii mooy dee, te ñoom ñépp a ko gis, ñu rendi ko, mu wax ne: yéen waa àjjana sax ba fàwwu dee amatul, yéen waa sawara sax ba fàwwu dee amatul, daal di jàng: {na nga leen xupp bisub réccu ba ba ñu àttee mbir ma fekk ñoom ñoo ngi cig càggante} [Maryama: 39], waa àdduna jii ñoo ngi cig càggante, {te ñoom duñu gëm}[Maryama: 39]».