Encyclopedia of Prophetic Hadiths

"bu genn jigéen tukki lu mat doxub ñaari fan lu dul mu ànd ak jëkkëram walla ab jegeñaaleem , te kenn du woor ci ñaari bis yii : korite ak tabaski, kenn du julli ginnaaw suba gi ba keroog jant bi di fenk, du caagine it ginnaaw tàkkusaan ba keroog muy so, deesul war jëm cib tukki lu dul ñeel ñatti jàkka: jàkkay Màkka ja ñu wormaal, ak jàkkay Aqsaa, ak sama jàkka jii".

"jaay wurus ci wurus, ak xaalis ci xaalis, ak pepp ci pepp, ak mboq ci mboq, ak tàndarma ci tàndarma, ak xorom ci xorom, dañuy tolloo, dañuy yam, bu dee xeet yi wuutee nag, jaayeleen nu mu leen soobe, bu dee loxo ak loxo la".

«Yàlla du nangu jullig kenn ci yéen bu dee daa tojle ba keroog muy jàpp».

"Kaffaarag Nisar mooy kaffaarag ngiñ".

Mu jële ci Yonnente bi yal na ko Yàlla dolli xéewal ak mucc ne moom Yónente bi tere na nisër, daal di wax ne: "du indi aw yiw, waaye dees ciy genne aji-nay ji".

"yéen nit ñi, deeleen tasaare nuyóo, di leele ñam, di jokk mbokk, di julli guddi fekk nit ñi a ngi nelaw, kon dangeen dugg àjjana ci jàmm".

"yamaleleen seen sàppe yi, ndax yamale sàppe yi daa bokk ci matug julli gi"

Ñaari gaay xibaar nañu ma ne ñoom dañoo ñëw ci Yonnente bi yal na ko Yàlla dolli xéewal ak mucc ci aju tàggatoo ga fekk muy séddale sarax, ñu laaj ko ca, mu siggi xool nu daal di sëggaat, mu gis ñu ñu dëgër, mu daal di ne: "bu leen neexee ma jox leen, waaye aji-woomal amu vi cér, du caagine it ku am kàttan te man a fàggu ji".