Encyclopedia of Prophetic Hadiths

«li ñuy njëkk a àtte ci diggante nit ñi ëllëg bis-pénc mooy dereet ».

"Àjjana am na ab buntu bu ñuy woowe Rayyaan, woorkat yi ñoo cay dugg ëllëg bis-pénc, kenn du ca dugg ku dul ñoom, dañuy wax naan: ana woorkat yi, ñu jug kenn du ca dugg ku dul ñoom, bu ñu duggee ñu tëj ko, keneen du ca dugg".

"deeleen gaawal néew bi, ndax bu dee ku baax la ci yiw ngeen ko jëme, bu dee du loolu nag, kon aw ay la wu ngeen teg ci seen doq yi".

"moytandikuleen di jaxasoo ak jigéen ñi" jenn waay ci Ansaar yi ne ko: yaw Yonnente Yàlla bi, noo gise goro? Mu ne ko: "goro moo dee faf".

Moom daana kàbbar ci bépp jullig farata ak bu dul moom, ci koor ak bu dul koor, bu dee jug kàbbar, bu dee rukoo kàbbar, daal di wax: samihal Laahu liman hamidahu, daal di wax it: Rabbanaa wa lakal hamdu, bala moo sujjóot, bu dee rot jëm ci sujjóot ba daal di kàbbar, buy yëkkati boppam ci sujjóot daal di kàbbar, bu dee jug ci toogaayu ñaari ràkka yi daal di kàbbar, loolu lay def ci ràkka yépp, ba julli gi jeex, ba mu wëlbatikoo daal di wax ne: giñ naa ci ki sama bakkan nekk ci loxoom, maa leen gën a niroole jullig Yonnente bi -yal na ko Yàlla dolli xéewal ak mucc- ndax nii la daan jullee ba ni mu tàqalikoo ak àdduna.

«bu kenn ci yéen laal sakaraam ci ndayjooram fekk ma ngay saw, te bu demee duus ba noppi bu mu fompoo ndayjooram, te bu mu noyyi ci ndab li».

Moom dafa indi ci Yonnente Yàlla bi yal na ko Yàlla dolli xéewal ak mucc doomam ju góor ju ndaw ju lekkagul, Yonnente Yàlla bi yal na ko Yàlla dolli xéewal ak mucc toogal ko ci poojam, mu saw ci yéreem yi, mu laaj am ndox daal di ko cay wis te raxasu ko.

Moom dafa ñëw ci Yonnente bi -yal na ko Yàlla dolli xéewal ak mucc- ne ko: yaw Yonnente Yàlla bi, Saytaane de dafa dox sama diggante ak sama julli gi, te day jaxase sama njàng mi, Yonnente Yàlla bi -yal na ko Yàlla dolli xéewal ak mucc- ne ko: " kooku Saytaane bu ñu woowe Xinsab la, boo ko yégatee nanga muslu ci Yàlla ci moom, te nga tifli ci sa càmmooñ ñatti yoon", nee na: ma def loolu Yàlla dindi ko ci man.