Skip to content
732 Hadiths

Encyclopedia of Prophetic Hadiths

Filter results

5 of 732 cards

Clear filters
Filter
Pick a property to filter by
التخريج المتعدد1
التخريج المتعدد: متفق عليه
Li ñu njëkk a tàmbalee Yonente Yàlla bi yal na ko Yàlla dolli xéewal ak mucc ci Wahyu mooy gént gu sell, daawul gis dara ci ay gént lu dul ne dana ñëw mel ni suba gu xar, topp ñu bëggloo ko ag wéet, mu daan dem ca xuntum Hiraa wa di fa jaamu guddi yi am ug lim, njëkk mu fay jóge di dellu ca njabootam, da daan yóbb ag dund ngir loolu, topp mu dellu ca Xadiija daal di yóbbal lu mel noonu, ba dëgg dikkal ko fekk ma nga ca xunt wa, Malaaka mi dikkal ko ne ko: jàngal, mu ne ko: "man duma jàngkat" nee na: "mu jàpp ma daal di may naj ba ma sonn lool mu bàyyi ma, daal di ne ma: jàngal, ma ne ko: duma jàngkat, mu jàpp ma ñaareelu yoon, naj ma ba ma sonn lool, mu bàyyi ma, ne ma: jàngal, ma ne ko: duma jàngkat, mu jàpp ma ñatteelu yoon, naj ma ba ma sonn lool, daal di may bàyyi, ne ma: {iqra bismi Rabbika Allasii xalaqa xalaqa Al-Insaana min halaqin iqra wa Rabbuka Al-Akramu}, [Al-Halaxi: 1-3] Yonnente Yàlla dellu ca kër ga cër yi di lox, muy wax naan "sàngleen ma, sàngleen ma" ñu sàng ko ba tiitaange ji deñ ci moom, mu nettali Xadiija xibaar bi ne ko: "ragal naa ci sama bopp" Xadiija ne ko: déedéet, giñ naa ci Yàlla ne Yàlla du la gàccaal mukk, ndax yaw dangay jokk mbokk, di gàddu aji-sonn ji, di wutal ñi amul, di ganale gan gi, di dimbalee ci nattuy dëgg yi, Xadiija yóbb ko ca Waraxatu ibn Nawfal ibn Asad ibn Abdul Husaa, di doomu baay tëxu Xadiija, mu nekkoon koo xam ne dafa duggoon ci diiney Nasaraan ca jamonoy ceddo ga, mu daan bind it téere ci làkkub Hiraaniya bi, daan bind Injiil ci làkkub Hibraaniya lu soob Yàlla mu bind ko ca, mu nekkoon mag mu màggat mu gumba, mu ne ko: yaw sama doomu baay tëx bi, déglul sa doomu mbokk mii, Waraxatu ne ko: yaw sama doomu mbokk mi, ana lan nga gis? Yonente Yàlla bi xibaar ko li mu gis, Waraxatu ne ko: lii de mooy Malaaka mi Yàlla wàcce woon ci Muusaa, aka neexoon mu fekk ma dëgër, aka neexoon mu fekk may dund jamono yi la saw nit di génne, Yonente Yàlla bi yal na ko Yàlla dolli xéewal ak mucc ne ko: "ndax ñoom dañu may génne?", mu ne ko waaw, kenn masut a indi lu mel ni li nga indi lu dul ne noonoo nañu ko, te say bis bu ma fi fekkee dinaa la dimbali ndimbal lu màgg. Topp yàggul dara Waraxatu daal di faatu, Wahyu wi taxaw.
Wér na Al-buxaariy ak Muslim dëppoo nañu ci génnee ko ci seen ñaari téere yi gën a wér.
التصنيف الشرعيمبعثه صلى الله عليه وسلم
Njabootu Muhammat de yal na ko Yàlla dolli xéewal ak mucc diirub bi Yonnente bi yal na ko Yàlla dolli xéewal ak mucc ñëwee Madiina masu ñoo suur ci ñamu dugub ñatti guddi yu toftaloo, ba ni mu faatoo.
Wér na Al-buxaariy ak Muslim dëppoo nañu ci génnee ko ci seen ñaari téere yi gën a wér.
التصنيف الشرعيالزهد والورع، الهدي النبوي
Yonnente bi yal na ko Yàlla dolli xéewal ak mucc ndayjoor daan na ko yéem ci buy sol dàll, ak buy peñewu, ak buy laab, ak ci mbiram yépp.
Wér na Al-buxaariy ak Muslim dëppoo nañu ci génnee ko ci seen ñaari téere yi gën a wér.
التصنيف الشرعيالهدي النبوي
Njabootu Muhammat lekkuñu ñaari lekk ci ab bis lu dul ne genn ga tàndarma lay doon.
Wér na Al-buxaariy ak Muslim dëppoo nañu ci génnee ko ci seen ñaari téere yi gën a wér.
التصنيف الشرعيالزهد والورع، الهدي النبوي
Lalu Yonnente Yàlla bi yal na ko Yàlla dolli xéewal ak mucc ci der la woon, biir gi nekkoo ay box, ñëw na ci Muslim: ñegeñaay bi Yonnente Yàlla bi yal na ko Yàlla dolli xéewal ak mucc daan wéeru ci der la woon biir gi di ay xob.
Wér na Al-buxaariy ak Muslim dëppoo nañu ci génnee ko ci seen ñaari téere yi gën a wér.
التصنيف الشرعيذم حب الدنيا، الهدي النبوي