Encyclopedia of Prophetic Hadiths

«lépp a ngi ci ndogal yi, ba ci lott ak muus, mbaa muus ak lott».

Damaa wax ne: yaw Yónente Yàlla bi -yal na ko Yàlla dolli xéewal ak mucc- luy mbiri koppi mbalka ma ? Mu wax ne: «giñ naa ci ki bakkanu Muhammat nekk ci loxoom ne ay koppam moo ëpp limu biddiwi asamaan si, ci guddi gu lëndëm te sett, ay koppi àjjana ku ca naan dootul mar ba fàwwu, booba lay mujjee mar, ñaari mball yu bawoo àjjana ñoo fay sottiku, ku ca naan dootul mar, yaatuwaayam moo ngi mel ni guddaayam, moo ngi toll ni diggante Ummaan ak Aylata, ndoxam moo gën a weex meew, te moo gën a neex lem».

Dégg naa Yonnente Yàlla bi yal na ko Yàlla dolli xéewal ak mucc mu wax ne: "Yàlla mu baarkeel mi te kawe nee na: éey yaw doomu Aadama ji boo ma ñaanee yaakaar ma ma jéggal la ak lu man a nekk ci yaw te duma faale, yaw doomu Aadama say bàkkaar bu eggoon ca niiri asamaan si nga jéggalu ma kon dinaa la jéggal te duma faale dara, yaw doomu Aadama boo ma indiloon luy jege suuf si ci bàkkaar yu bari, nga daje ak man te bokkaalewóo ma ak dara dinaa la indil njéggal lu toll ni moom".

«li ñuy njëkk a àtte ci diggante nit ñi ëllëg bis-pénc mooy dereet ».

Dama doon bind lépp lu ma dégg ci Yonnente Yàlla bi -yal na ko Yàlla dolli xéewal ak mucc- ndax dama koo bëggoon a wattu, Xuraysin tere ma loolu, ñu ne ma: ndax dangay bind lépp loo dégg ci Yonnente Yàlla bi te moom nit la day wax cig mer ak cig gërëm? Ma bàyyee bind, ma wax loolu Yonnente bi -yal na ko Yàlla dolli xéewal ak mucc- mu joxoñ baaraamam ci gémmiñam, daal di ne: «bindal, giñ naa ci ki sama bakkan nekk ci loxoom, dara du ci génn lu dul dëgg».

"ku wattu fukki aaya yi njëkk ci saaru Al-Kahf, kon ñu aar ko ci Dajjaal" ci geneenug nettali: "ci mujjug saaru Al-Kahf".

"ñaar a ngi ci nit ñi ag kéefar la: jam ci askan yi, ak yuuxu ku dee".

«saa du taxaw lu dul ne nit dana romb ci bàmmeelu benn waay naan: aka neexoon ma nekk palaasam».