Encyclopedia of Prophetic Hadiths

"bu nit waxee mbokkam: yaw yéefar bi, kon kenn ci ñoom ñaar yóbb na ko, bu dee li mu wax noonu la, lu ko moy mu dellusi ci moom".

"koddaayu jullit bi ca digg yeel ba la wara yam, aayul ci mu nekk ci digganteem ak dojor yi, lu nekk ci suufu dojor yi nag moom sawara la jëm, te kuy diri koddaayam ngir rëy-rëylu Yàlla du ko xool".

Yonente Yàlla bi yal na ko Yàlla dolli xéewal ak mucc digal na nu juróom-ñaar: digal na nu nuy seeti ku feebar, ak gunge néew, ak ndokkeel ku tissooli, ak jàppandal giñ gi walla aji-giñ ji, ak dimbali ki ñu tooñ, ak wuyu aji-woote ji, ak tasaare nuyóo, mu tere nu jaaro -walla takk jaaroy- wurus, ak naan ci ndabal xaalis, ak sooy ak wëtteen wu am sooy ak sol sooy ak Diibaaj.

Yonente Yàlla bi yal na ko Yàlla dolli xéewal ak mucc bu daan seeti ku feebar di ko ñaanal day wax: "ashibil basa, rabban naasi, wasfi Anta As-Saafii, laa sifaa-a illaa sifaa-uka sifaa-an laa yuxaadiru saqaman".

«bu kenn ci yéen óbbalee na teg loxoom ci gémmiñam ndaxte Saytaane day dugg».

Yónente bi -yal na ko Yàlla dolli xéewal ak mucc- daawul delloo gëtt.

Yonnente Yàlla bi yal na ko Yàlla dolli xéewal ak mucc Ihtikaaf na ci jàkka ji, mu dégg leen ñuy béral njàng mi, mu wuññi kiiraayam, ne leen: "xanaa du ku nekk ci yéen day déeyante ak Boroomam, bu kenn lor kenn, bu kenn di yëkkëti kàddoom ci kaw ñeneen ñi bu ñuy jàng", walla mu wax: "ci julli gi".

«àqi jullit ci moroomu jullitam juróom la: delloo ab nuyoo, ak seeti ki wopp, ak gunge néew bi, ak wuyu woote ba, ak ndokkeel ku tissooli».