732 Hadiths

Encyclopedia of Prophetic Hadiths

A trusted digital reference for Islamic content in over 100 languages

Filter results

87 of 732 cards

«buleen toog ci kaw bàmmeel yi, te buleen ko jublu ci julli».

Wér na Muslim soloo na ko.

«kuy wax saa yu déggee noddkat bi, ashadu an laa-i-Laaha Illal Laahu wahdahu laa sariika lahu, wa anna Muhammadan habduhu wa rasuuluhu, radiitu billaahi rabban, wa bi Muhammadin rasuulan, wa bil Islaami diinan, dees na ko jéggal ay bàkkaaram».

Wér na Muslim soloo na ko.

Yonente Yàlla bi yal na ko Yàlla dolli xéewal ak mucc dugg na ci jàkka ji jenn waay daal di dugg julli ñaari ràkka, daal di nuyu Yonente bi, mu fay ko, daal di ne ko: "demal julli waat, yaw julliwóo", mu dellu julli waat namu jullee woon, daal di nuyu Yonente bi , mu ne ko: "dellul julli waat yaw julliwóo " ñatti yoon, mu ne ko: giñ naa ci ki la yónni ci dëgg manuma lu dul lii, xamal ma, mu ne ko: "boo jugee di julli, nanga kàbbar, topp nga jàng li jàppandi ci yaw ci Alxuraan, topp nga rukkoo ba dal, nga siggi ba yamoo ca taxaw ga, topp nga sujjóot ba dal, topp nga siggi ba yamoo ca toogaay ga, defal loolu ci sa julli gi yépp".

Wér na Al-buxaariy ak Muslim dëppoo nañu ci génnee ko ci seen ñaari téere yi gën a wér.

«bu ngeen déggee woote gi nangeen wax lu mel ni li noddkat bi di wax».

Wér na Al-buxaariy ak Muslim dëppoo nañu ci génnee ko ci seen ñaari téere yi gën a wér.

Li ëppoon ci dénkaaney Yonente Yàlla bi yal na ko Yàlla dolli xéewal ak mucc bi muy génn àdduna: "dénk naa leen julli ak ñi nekk ci seeni loxo, dénk naa leen julli ak ñi nekk ci seeni loxo" (seen jaam yi), ba Yonente bi dënnam ba tàmbalee di xar-xarale, ba daanaka làmmiñam leeratul.

Wér na رواه النسائي في السنن الكبرى وابن ماجه

«ku sàbbaal Yàlla ginnaaw julli gu ne fanweeri yoon ak ñatt, sant Yàlla fanweeri yoon ak ñatt, màggal Yàlla fanweeri yoon ak ñatt, loolu juróom-ñent-fukk ak juróom ñent la, mu wax: ci mottali ko téemeer: laa-i-Laaha Illal Laahu wahdahu laa sariika lahu lahul mulku wa lahul hamdu wa Huwa halaa kulli say-in Xadiirun, ñu jéggal ko ay njuumteem doonte dafa toll ni puuriti géej».

Wér na Muslim soloo na ko.

Mokkal naa ci Yonnente bi -yal na ko Yàlla dolli xéewal ak mucc- fukki ràkka: ñaari ràkka njëkk tisbaar, ak ñaari ràkka ci ginnaawam, ak ñaari ràkka ginnaaw timis ci këram, ak ñaari ràkka ginnaaw gee ci këram, ak ñaari ràkka njëkk jullig suba, moom nag aw waxtu la woo xamne kenn daawul dugg fa Yonnente bi nekk, Hafsa nettalinama ne bu noddkat bi daan nodd ba fajar gi fenk day julli ñaari ràkka, ci jeneen wax: moom Yonnente bi -yal na ko Yàlla dolli xéewal ak mucc- daan na julli ñaari ràkka ginnaaw àjjuma.

Wér na Al-buxaariy ak Muslim dëppoo nañu ci génnee ko ci seen ñaari téere yi gën a wér, ci mbooleem anami nettali yi mu dikkee.

«yaw Bilaal taxawalal julli gi, noppal nu ci».

Wér na Abóo Daawuda soloo na ko.