Encyclopedia of Prophetic Hadiths

«ku fàtte genn julli na ko julli saa yu ko fàttalikoo, dara manu koo fay lu dul loolu: {taxawalal julli ngir fàttaliku ma}[Taaha: 14]».

«ku sangu bisub Àjjuma sangug janaba topp mu dem julli ji, dana mel ni ku saraxe ag giléem, ku dem ci ñenteelu waxtu wi moo ngi mel ni ku saraxe aw nag, ku dem ci ñatteelu waxtu wi moo ngi mel ni ku jegeele am kuuy mu ami béjjan, ku dem ci ñenteelu waxtu wi moo ngi mel ni ku saraxe ag ginaar, ku dem ci juróomeelu waxtu wi moo ngi mel ni ku saraxe ab nen, bu imaam bi génnee maalaaka yi ñëw di déglu xutba gi».

Usmaan Ibn Affaan dafa bëggoon a tabax jàkka ji nit ñi sib loolu, ñu bëgg mu bàyyi ko ca na mu mel, mu ne leen: dégg naa Yonnente Yàlla bi -yal na ko Yàlla dolli xéewal ak mucc- mu wax ne: «ku tabax jàkka ngir Yàlla Yàlla dana ko tabaxal ca àjjana lu mel ni moom».

"nit ñi danañu bàyyi li ñuy ñàkk a teewe àjjuma yi walla Yàlla dana kaste seen xol yi, te danañu bokk ci way-sàggan yi".

Doon naa gis Yonnente Yàlla bi yal na ko Yàlla dolli xéewal ak mucc muy sëlmël ci ndayjooram, ak ci càmmooñam, ba may gis weexitu lexam.

Jenn waay dafa laaj Yonnente bi yal na ko Yàlla dolli xéewal ak mucc fekk ma nga ca kaw Minbar ba, loo gis ci julli guddi, mu ne ko: "ñaar ñaar, bu ragalee suba jot mu julli benn ràkka, tóolale ko li mu julli" daan na wax it: "defleen seen mujjug julli muu lu tóol" ndax Yonnente bi yal na ko Yàlla dolli xéewal ak mucc moo ko digle.

"bu nit ñi xamoon li nekk ci nodd gi ak sàppe su njëkk si te manu ñu lu dul tegoo bant kon danañu ko tegoo bant, te bu ñu xamoon li nekk ci teela dem kon danañu njëkkante jëm ca, bu ñu xamoon it li ci gee ak suba danañu ko dikkal donte dañuy raam".

«digal nañu ma may sujjóot ci juróom-ñaari cér : cib jëh, mu daadi junj loxoom ci bakkanam, ak ñaari loxo yi, ak ñaari wóom yi, ak cati baaraam yi, ak ñu bañ a téye mbaa wog seen i yére ak seen kawar».