"buleen njëkka nuyu Yahuud yi ak Nasaraan yi ci nuyoog Salaam, bu ngéen dajee ak kenn ci ñoom ci yoon nangeen ko jaarloo fa gën a xat".
Jële nañu ci Abuu Hurayrata yal na ko Yàlla dollee gërëm mu jële ci Yonnente bi yal na ko Yàlla dolli xéewal ak mucc mu wax ne:
"buleen njëkka nuyu Yahuud yi ak Nasaraan yi ci nuyoog Salaam, bu ngéen dajee ak kenn ci ñoom ci yoon nangeen ko jaarloo fa gën a xat".
«لَا تَبْدَؤوا الْيَهُودَ وَلَا النَّصَارَى بِالسَّلَامِ، فَإِذَا لَقِيتُمْ أَحَدَهُمْ فِي طَرِيقٍ فَاضْطَرُّوهُ إِلَى أَضْيَقِهِ».
Yonnente bi yal na ko Yàlla dolli xéewal ak mucc day tere jullit bi di njëkk a nuyu Yahuud bi ak Nasaraan bi donte dañoo bokk ci ña ñu kóllareenteel, kon yéefar bu dul ñoom safut a wax, Yonnente bi yal na ko Yàlla dolli xéewal ak mucc leeral ne bu nu dajee ak kenn ci ñoom ci yoon wi nanu ko loruloo ca yoon wa gën a xat, aji-gëm ji mooy dox ci diggu yoon wi, waaye yéefar bi mooy randu, jullit bi du doyadi ci genn anam ci anam i doyadi yi.
Daganul ci jullit bi muy njëkk a nuyu kenn ci Yahuud yi ak Nasaraan yi ak ñeneen ci yéefar yi.
Dagan na mu delloo leen nuyóo bu dee ñoom ñoo ko njëkk a nuyu, ci mu wax: wahalaykum (ak yéen).
Daganul ci jullit bi muy jubloo lor yéefar bi ci mu koy xatal cig tay te dara waralul mu loruloo ko ca yoon wa gën a xat; waaye bu dee yoon wi dafa xat walla mu xumb kon jullit bi moo ci gën a yay yéefar bi day randu.
Feeñal teddngay jullit ñi ak xeebug ku dul ñoom, ci lu dul tooñ walla ñaaw i wax.
Xatal ci kaw yéefar yi ngir sababus li ñu nekk ci weddi Yàlla mu kawe mi, loolu amaana mu nekk sabab ci ñu dugg ci lislaam; mu mucc ci sawara, bu dee loolu yóbbe na leen ñu xam sabab si.
Aayul jullit bi njëkk a wax yéefar bi naka nga def, naka nga xëye, naka ngoon gi? Mbaa lu ko niru bu dee aajo moo ko waral; ndax tere gi dees koo tënk ci Assalaam.
At-Tiibii nee na: li nu tànn mooy ne ab bidaakat deesu ko njëkk a nuyu, bu nuyóo ku mu xamul mu mujj feeñ ne yéefar gu ñu kóllareenteel la walla ab defkatu bidaa, kon day wax: dellu naa ca sama nuyu ga, ngir tuutal ko.
Téere Muslim bi gën a wér (4/ 1707) (2167).
Yataal gi (8)
بهجة الناظرين شرح رياض الصالحين.
لسليم الهلالي (2/ 141).
توضيح الأحكام مِن بلوغ المرام.
لعبد الله البسام (7/ 303).
منحة العلام في شرح بلوغ المرام.
لعبد الله الفوزان (10/ 42).
نزهة المتقين شرح رياض الصالحين.
لمجموعة من الباحثين (1/ 670).