“నా కంటే ముందు అల్లాహ్ ద్వారా ఏ ప్రవక్త కూడా తన జాతివారిలో నుండి ఆయన మార్గాన్ని అనుసరించే మరియు ఆయన ఆదేశాన్ని పాటించే శిష్యులు మరియు సహచరులు లేకుండా పంపబడలేదు

ఈ హదీథులో తమ మాటలతో మరియు పనులతో షరియత్’ను వ్యతిరేకించే వారికి వ్యతిరేకంగా పోరాడాలనే ప్రోత్సాహము ఉన్నది.

చెడును ఖండించడంలో హృదయ వైఫల్యం బలహీనమైన లేదా కోల్పోయిన విశ్వాసానికి నిదర్శనం.

పరమ పవిత్రుడూ, సర్వోన్నతుడైన అల్లాహ్ ప్రవక్తల కోసం వారి సందేశాన్ని ముందుకు తీసుకువెళ్లే సహచరుల సౌకర్యాన్ని కల్పించాడు.

ఎవరైతే విమోచనాన్ని కోరుకుంటున్నారో వారు ప్రవక్తల మార్గాన్ని అనుసరించాలి; ఎందుకంటే వారి మార్గం తప్ప మిగతా ప్రతి మార్గమూ విధ్వంసం మరియు మార్గభ్రష్టతానికి చేర్చేవే.

ప్రవక్త (సల్లల్లాహు అలైహి వసల్లం) మరియు ఆయన సహచరుల యుగం నుండి దూరంగా వెళ్ళిన కొద్దీ, ఎక్కువ మంది ప్రజలు సున్నత్‌లను విడిచిపెట్టి, తమ ఇష్టాలను అనుసరించడం మరియు ‘బిద్’అత్’ లను ఆవిష్కరించడం (ధర్మం పేరిట, ధర్మములో లేని కొత్త విషయాలను అందులోనికి ప్రవేశ పెట్టడం) చూస్తాము.

ఈ హదీథులో జిహాద్ యొక్క స్థాయిలను వివరించడం జరిగింది. చేతితో జిహాద్ చేయుట అంటే - అది మార్పు తీసుకు రాగలిగిన వారి చేతిలో ఉంటుంది, ఉదాహరణకు అధికారంలో ఉన్నవారు, పాలకులు మరియు రాకుమారులు మొదలైన వారు; అలాగే నాలుక ద్వారా జిహాద్ చేయుట అంటే తమ వాక్కుల ద్వారా, తమ మాటల ద్వారా ప్రజలకు వివరించడం, సత్యం వైపునకు వారికి పిలుపునివ్వడం, తద్వారా మార్పు తీసుకు రావడం ఒక స్థాయి; అలాగే తమ హృదయం ద్వారా జిహాద్ చేయుట అంటే తమ హృదయంలో చెడును నిరసించడం, దానిని ఇష్టపడకపోవడం మరియు దాని పట్ల సంతోషించకుండా ఉండడం.