((ஒரு கூட்டத்தினர் தாங்கள் அமர்ந்திருந்த இடத்தில் அல்லாஹ்வை (திக்ர்) நினைவுகூறாமல் எழுந்து செல்வது செத்த கழுதையை விட்டும் எழுந்து செல்வது போலாகும் . அது அவர்களுக்குக்கு (மறுமையில்) பேரிழப்பாக அமையும்))

இறைநினைவை விட்டும் பராமுகமாக இருப்பது எச்சரிக்கப்பட்டுள்ளது, சபைகளுக்கு மாத்திரமல்ல. மாறாக, ஏனையவைகளுக்கும் பொருந்தும். இமாம் நவவி கூறுகின்றார்கள்: ஒரு மனிதன் தான் அமர்ந்த இடத்திலிருந்து எழும்பும் போது, அல்லாஹ்வை நினைவுகூறாமல் எழுந்து செல்வது வெறுக்கத்தக்கதாகும்.

மறுமையில் அவர்களுக்கு ஏற்படும் கைசேதத்திற்கான காரணம் ஒன்றில், அந்த நேரத்தை இறைவழிபாட்டில் பயன்படுத்தாமையினால் தப்பிப் போன நன்மைகளை நினைத்தாகவோ, அல்லது, அல்லாஹ்வுக்கு மாறுசெய்து நேரத்தை வீணடித்தமையினால் பாவங்கள் கிடைத்தமையினாலோ ஆக இருக்கலாம்.