Enciklopedia e Hadithit të Pejgamberit

se (një ditë) i Dërguari i Allahut ﷺ e kapi për dore dhe i tha: "O Muadh! Për Allahun, unë të dua ty! Të porosis që kurrë të mos e braktisësh në fund të çdo namazi të thuash: "O Allah! Më ndihmo të të përmend, të të falënderoj dhe të të adhuroj në mënyrën më të mirë!"

"I Dërguari i Allahut ﷺ na lexonte Kuran në çdo gjendje përderisa nuk ishte xhunub."

“Asnjë popull nuk ulet në ndonjë tubim ku nuk e përmendin Allahun dhe nuk dërgojnë salavate për Profetin e tyre, përveçse ai tubim do të jetë shkak pendimi për ta. Nëse do, Allahu i ndëshkon, e nëse do, i fal.”

"Isha i dërguari i fisit benu muntefik - apo pjesë e delegacionit të menu muntefikëve - tek i Dërguari i Allahut ﷺ. Kur mbërritëm tek i Dërguari i Allahut ﷺ, nuk e gjetëm në shtëpi, por aty hasëm Aishen, nënën e besimtarëve. Ajo urdhëroi që të na bënin ca çorbë, të cilën na e sollën. Na sollën edhe një kina - e kinaja është një enë me hurma Arabie - e mandej erdhi i Dërguari i Allahut ﷺ dhe tha: “A hëngrët gjë?" - ose ka thënë: "A kanë porositur ndonjë gjë për ju?” I thamë: "Po, o i Dërguari i Allahut." Ndërkohë që ishim të ulur me të Dërguarin e Allahut ﷺ, ja ku vjen bariu që po i kthente delet në torishtë, e bashkë me të ishte edhe një qengj që blegërinte. Ai i tha: “Çfarë të polli, o filan?” Bariu i tha: "Një të vogël (qengj)." Ai i tha: “Atëherë ther për ne një dele në vend të saj.” Pastaj shtoi: “Mos mendo (la tahsibenne)” - e nuk tha trajtën tjetër gjuhësore (la tahsebenne) - “se ne e therëm atë për ty. Ne kemi njëqind dele dhe nuk duam që numri i tyre të shtohet, prandaj, sa herë që bariut i pjell bagëtia, ne therim një dele në vend të saj.” (Transmetuesi) thotë: Unë i thashë: "O i Dërguari i Allahut, unë kam një grua, por ajo e ka gjuhën pak të lëshuar - e kishte fjalën që përdor fjalor të rëndë." Ai më tha: “Atëherë ndahu prej saj!” Unë i thashë: "O i Dërguari i Allahut, ne kemi jetuar një kohë të gjatë bashkë dhe unë kam fëmijë me të." Ai tha: “Atëherë urdhëroje atë” - do të thotë: këshilloje - “e nëse tek ajo ka mirësi, ajo do të të bindet. Dhe kurrsesi mos e rrih bashkëshorten tënde ashtu siç rreh skllaven tënde!” Atëherë i thashë: "O i Dërguari i Allahut, më trego për abdesin." Ai më tha: “Merre abdesin në mënyrë të plotë, fërkoji hapësirat mes gishtave dhe fute thellë ujin në hundë, përveç rastit kur je me agjërim.”"

“Kopraci (i vërtetë) është ai, që kur përmendem unë tek ai, nuk dërgon salavat mbi mua.”

“Pejgamberi ﷺ kur e dërgoi atë për në Jemen e urdhëroi që për tridhjetë lopë të marrë një lopë njëvjeçare apo një mëzat njëvjeçar për zekat, kurse për dyzet lopë, një lopë dyvjeçare. Ndërkaq për të rriturin (dhimi) merret një dinar (xhizje, taksë vjetore), apo vlera e njëjtë nga rrobat meafir, që ishin rroba jemenase.”

"O Allah, kërkoj mbrojtjen Tënde nga barra e rëndë e borxhit, nga mbizotërimi i armikut dhe nga gëzimi i armiqve (për fatkeqësinë time!)"

“Kushdo që ka dy gra dhe anon më shumë nga njëra prej tyre, në Ditën e Gjykimit vjen me gjysmën e trupit të anuar (shtrembër).”