Enciklopedia e Hadithit të Pejgamberit

"Ata thanë: - O i Dërguari i Allahut, ne hamë, por nuk ngopemi. - "Ndoshta hani të ndarë?" - i pyeti ai. - Po, - u përgjigjën ata. - "Atëherë mblidhuni rreth ushqimit tuaj dhe përmendni emrin e Allahut, që të keni begati në të!" - u tha ai.

"Një njeri erdhi te Profeti ﷺ dhe tha: “Es Selamu alejkum!”. Ai ia ktheu selamin, pastaj njeriu u ul. Profeti ﷺ tha: “Dhjetë.” Pastaj erdhi një tjetër dhe tha: “Es Selamu alejkum ue rahmetullah!”. Ai ia ktheu selamin, pastaj (njeriu) u ul. Profeti ﷺ tha: “Njëzet.” Pastaj erdhi i treti dhe tha: “Es Selamu alejkum ue rahmetullahi ue berakatuhu!”. Ai ia ktheu selamin, pastaj (njeriu) u ul. Profeti ﷺ tha: “Tridhjetë.”

i Dërguari i Allahut ﷺ pa një burrë, duke u falur vetëm prapa safit (rreshtit), dhe e urdhëroi atë që ta përsëriste namazin.

"Kur u ngrita në qiell (për tek Allahu), kalova pranë disa njerëzve që kishin thonj prej bakri, me të cilët çirrnin fytyrat dhe gjokset e tyre. Unë thashë: "Kush janë këta, o Xhibril?" Ai tha: "Këta janë ata që hanë mishin e njerëzve (i përgojojnë) dhe cenojnë nderin e tyre."

“Çdo gjë që deh në sasi të madhe, edhe sasia e vogël e saj është e ndaluar.”

O i Dërguari i Allahut, ndaj kujt duhet të jem më i përkushtuar? Ai tha: “Ndaj nënës sate, pastaj ndaj nënës sate, pastaj ndaj nënës sate, pastaj ndaj babait tënd, pastaj më i afërmi e kështu me radhë.”

"Mos i ndalni robëreshat e Allahut prej xhamive të Allahut, por le të dalin të paparfumuara."

"Njeriu është në fenë e shokut të tij, andaj secili prej jush të shikojë se kë shoqëron!"