Encyclopedia of Prophetic Hadiths

Ergamaan Rabbii -Rabbiin rahmataa fi nageenya isaan irratti haa buusu- bitaa isaaniitiin hariira qabatanii, mirga isaanitiin immoo worqii qabatanii, eegasii hariiraa fi worqiin harka isaanii lameen ol qabuun, akkas jedhani: «Kun lameen dhiira ummata kootii irratti haraama, dubartoota isaaniitiif immoo halaala».

Ergamaan Rabbii -nagaa fi rahmanni irra haa jiraatu- harka isaa qabanii akkas jedhaniin: «Yaa Mu'aaz Rabbitti kakadhee ani si jaalladha», eegasii akkas jedhaniin: «Siifin Dhaama yaa Mu'aaz xumuura salaata hundatti akkas jechuu hin dhiisin: Yaa Rabbi si yaadachuu, si galateeffachuu fi akka gaariitti si gabbaruu irratti na gargaari».

«Irra iimaana guutuun mu'umintootaa haala irra tolaa worra qabanu, irra caalaan keessan dubartoota isaaniitiif worra irra caalaa ta'anidha».

Nabiyyiin waliin salaate, nagaa fi rahmanni irra haa jiraatu, gama mirga isaanitti akkana jechuun salaamtaa jedhu turan: «Assalaamu Aleykum warahmatullaahi wabarakaatuh» hiikni isaas: nagaan, rahmannii fi barakaan Rabbii isin irra haa jiraatu jechuudha, gama bitaa isaanitti immoo akkana jedhu turan: «Assalaamu Aleykum warahmatullaah» hiikni isaas: nagaa fi rahmanni Rabbii isin irra haa jiraatu jechuudha.

«Namni haadha manaa lama qabaatee gara takkatti dabe, guyyaa qiyaamaa cinaachi isaa gara tokkotti dabee dhufa».

Ergamaan Rabbii -Rabbiin rahmataa fi nageenya isaan irratti haa buusu- khuxbaa dhimmaa nu barsiisani: Innal hamda lillaahi, Nasta'iinuhuu Wa Nastaghfiruhuu, Wa Na'uuzu billaahi Min Shuruuri Anfusinaa, Man yahdi Allaahu Falaa Mudilla Lah, Waman Yudlil Falaa Haadiya Lah, Wa Ash-hadu An Laa Ilaaha Illallaah, Wa Ash-hadu Anna Muhammadan Abduhuu Wa Rasuuluh, {Yaa Ayyuha Annaasu Ittaquu Rabbakumu Allazii Khalaqakum Min Nafsin Waahidatin WaKhalaqa Minhaa Zawjahaa Wabassa Minhumaa Rijaalan kasiiran Wa Nisaa'aa Wattaqu Allaaha Allazii Tasaa'aluuna Bihii Wal Arhaama Inna Allaaha Kaana Alaykum Raqiibaa} [Annisaa: 1], {Yaa Ayyuha Allaziina Aamanu Ittaqullaaha Haqqa Tuqaatihii Walaa Tamuutunna Illaa Wa Antum Muslimuun} [Aala Imraan: 102], {Yaa Ayyuha Allaziina Aamanu ittaqullaaha Waquuluu Qawlan Sadiidaa Yuslih Lakum A'amaalakum Wa Yaghfir Lakum Zunuubakum Waman Yuxi'illaaha Wa Rasuulahuu Faqad Faaza Fawzan Aziimaa} [Al-Ahzaab: 70-71].

Nabiyyiin -nagaa fi rahmanni irra haa jiraatu- sujuuda lamaan jidduutti akkana jedhu ture: "Yaa Rabbii kiyya, naaf araarami, yaa Rabbii kiyya, naaf araarami".

Namichi tokko Ergamaa Rabbii -nagaa fi rahmanni irra haa jiraatu- akkas jedhee gaafate: Yaa Ergamaa Rabbii, nuti galaana bahraa irra deemna, bishaan xiqqoo of harkatti qabanna, yoo ittiin wuduu’a raawwanne ni dheebonna, bishaan galaanatiin wuduu’a godhachuu ni dandeenyaa? Ergamaan Rabbii -nagaa fi rahmanni irra haa jiraatu- akkana jedhan: «Bishaan isaa qulqulluudha, du'aan isaas halaala».