Skip to content
683 Hadiths

Encyclopedia of Prophetic Hadiths

Filter results

35 of 683 cards

Clear filters
"जसले अल्लाहसँग शिर्क (कसैलाई साझेदार) नगरेको अवस्थामा भेट्छ, उसले स्वर्गमा प्रवेश पाउने छ, र जसले अल्लाहसँग शिर्क गरेको अवस्थामा भेट्छ, ऊ नर्कमा प्रवेश गर्नेछ ।"
सही मुस्लिमले वर्णन गरेका छन्
التصنيف الشرعيفضائل التوحيد، صفات الجنة والنار، الشركموضوعات الحديثأهمية التوحيد، الشرك بالله وأقسامهمحاور التعريف بالإسلاموجوب إفراد الله بالعبادة، بطلان الشرك وصوره، النجاة بالدخول في الإسلام
"दैनिक पाँच नमाज, र एक शुक्रवारदेखि अर्को शुक्रबार (सम्मको प्रार्थना) र एक रमजानदेखि अर्को रमजान (सम्मको उपवास) ले ती दिनहरु बीच भएका पापहरू लाई मेटाई दिन्छ, यस शर्त साथ कि व्यक्तिले ठूला पापहरूबाट आफूलाई जोगाइ रहोस् ।"
सही मुस्लिमले वर्णन गरेका छन्
التصنيف الشرعيفضائل الأعمال الصالحة، ذم المعاصي، وجوب الصلاة وفضلها وحكم تاركها، فضل يوم وصلاة الجمعة، فضل الصيامموضوعات الحديثمكانة الصلاة وفضلها، الصيام، صلاة الجمعةمحاور التعريف بالإسلاممحاسن العبادة
"कुनै पनि मुस्लिमलाई कुनै दुःख वा संकट आइपर्दा यदि उसले अल्लाहको आदेश अनुसार यसो भन्दछ: {इन्ना लिल्लाहि व इन्ना इलैहि राजिऊन} (निश्चय नै हामी अल्लाहकै हौँ र हामी उहाँतर्फ नै फर्किएर जानेछौँ), {अल्लाहुम्म अजुर्नी फी मुसीबती, व अख्लिफ ली खैरम् मिन्हा} ("हे अल्लाह! मेरो यस विपत्तिमा मलाई प्रतिफल प्रदान गर्नुहोस् र मलाई यसभन्दा उत्तम विकल्प दिनुहोस्"), भने अल्लाहले अवश्य नै उसलाई त्यसभन्दा श्रेष्ठ विकल्प प्रदान गर्नुहुनेछ।" उम्मे सलमा (रजियल्लाहु अन्हा) ले भन्नुहुन्छ: जब अबु सलमा (मेरो पति) को देहान्त भयो, मैले मनमनै सोचेँ: ‘मुस्लिमहरूमध्ये अबु सलमाभन्दा उत्तम व्यक्ति को हुन सक्छ र? उहाँ नै पहिलो परिवारमध्ये हुनुहुन्थ्यो, जसले रसूल (सल्लल्लाहु अलैहि वसल्लम) तर्फ बसाइँ सर्नुभएको थियो।’ तैपनि मैले उक्त दुआ (प्रार्थना) पढेँ। त्यसपछि अल्लाहले मलाई उहाँको सट्टामा स्वयं रसूल (सल्लल्लाहु अलैहि वसल्लम) प्रदान गर्नुभयो।"
सही मुस्लिमले वर्णन गरेका छन्
التصنيف الشرعيأهل البيت وفضلهم، أعمال القلوب
"निश्चय नै स्वर्गमा तिमीहरूमध्ये सबैभन्दा तल्लो स्थान पाउने व्यक्ति त्यो हुनेछ जसलाई अल्लाहले भन्नुहुनेछ: 'कामना गर।' अनि उसले कामना गर्नेछ र गर्दै जानेछ। त्यसपछि अल्लाहले उसलाई सोध्नुहुनेछ: 'के तिमीले कामना गरिसक्यौ?' उसले भन्नेछ: 'हो।' तब अल्लाहले भन्नुहुनेछ: 'तिमीले जेजतिको इच्छा गरेका छौ, ती सबै तिम्रा लागि हुन्, र त्यसका अतिरिक्त त्यति नै अरू पनि तिम्रा लागि हुन्।'"
सही मुस्लिमले वर्णन गरेका छन्
التصنيف الشرعيصفات الجنة والنار، الحياة الآخرة
मैले रसूलल्लाह (सल्लल्लाहु अलैहि वसल्लम) लाई भलाइ (पुण्य) र पापको बारेमा सोधेँ। उहाँले भन्नुभयो: «पुण्य भनेको उच्च व्यवहार हो र पाप भनेको जुन कुरा तिम्रो मनमा सङ्का पैदा गर्छ र तिमी चाहँदैनौ कि मानिसहरूले त्यसलाई थाहा पाउन»।
सही मुस्लिमले वर्णन गरेका छन्
التصنيف الشرعيالأخلاق الحميدة، أعمال القلوب
"हे अबू सईद! जो व्यक्ति अल्लाहलाई आफ्नो पालनकर्ता, इस्लामलाई आफ्नो धर्म र मुहम्मद (सल्लल्लाहु अलैहि वसल्लम) लाई सन्देशवाहकको रूपमा स्वीकार गरी पूर्ण रूपमा सन्तुष्ट भयो, उसको लागि स्वर्ग अनिवार्य भयो।" अबू सईदलाई यो कुराले आश्चर्य लाग्यो र उहाँले अनुरोध गर्नुभयो: "हे अल्लाहका रसूल! यो कुरा पुनः दोहोर्‍याइदिनुहोस्।" नबी (सल्लल्लाहु अलैहि वसल्लम) ले त्यसै गर्नुभयो। त्यसपछि उहाँले भन्नुभयो: "र अर्को एउटा यस्तो माध्यम छ, जसद्वारा भक्तलाई स्वर्गमा सयौँ स्तर माथि चढाइनेछ, जहाँ प्रत्येक दुई स्तरको बीचमा आकाश र पृथ्वीको बीचमा भए जति दुरी हुनेछ।" अबू सईदले सोध्नुभयो: "हे अल्लाहका रसूल! त्यो के हो?" उहाँले भन्नुभयो: "अल्लाहको मार्गमा जिहाद गर्नु, अल्लाहको मार्गमा जिहाद गर्नु।"
सही मुस्लिमले वर्णन गरेका छन्
التصنيف الشرعيصفات الجنة والنار
"जब स्वर्गवासीहरू स्वर्गमा प्रवेश गर्छन्, अल्लाहले सोध्नेछन्: के तिमीहरूलाई अझै केही चाहिन्छ? तिनीहरूले जवाफ दिनेछन्: के तपाईंले हाम्रो अनुहार उज्यालो पार्नुभएन? के तपाईंले हामीलाई स्वर्गमा प्रवेश गराउनुभएन र आगोबाट बचाउनुभएन? (नबीले) भन्नुभयो: अत: अल्लाह तआलाले (नूरको) पर्दा हटाउनुहुनेछ। त्यसकारण, उनीहरूले पाएको कुनै पनि कुरा आफ्नो रब (पालनकर्ता) को दर्शन भन्दा प्यारो हुने छैन।"
सही मुस्लिमले वर्णन गरेका छन्
التصنيف الشرعيصفات الجنة والنار
"जसरी गुन्द्रीका सिन्काहरू एक-एक गरी बुनिन्छन्, त्यसरी नै मानव हृदयमा एकपछि अर्को गर्दै फित्नाहरू (विपत्ति, प्रलोभन, उपद्रव र परीक्षाहरू) आइपर्नेछन्। जुन हृदयले तिनलाई आफूभित्र सोस्छ, त्यसमा एउटा कालो दाग बस्छ; अनि जसले तिनलाई अस्वीकार गर्छ, त्यसमा एउटा चम्किलो सेतो चिह्न अङ्कित हुन्छ। अन्ततः हृदयहरू दुई प्रकारका हुनेछन्: १. सङ्गमर्मरझैँ सफा र निष्कलङ्क सेतो हृदय, जसलाई आकाश र पृथ्वी रहुन्जेल कुनै पनि फित्नाले डगाउन सक्ने छैन। २. खरानी मिसिएको धमिलो कालो हृदय, जो उल्टो पारिएको भाँडोजस्तो बन्नेछ; जसलाई न कुनै सत्कर्मको पहिचान रहनेछ, न त कुनै कुमार्गको बोध, ऊ केवल आफ्ना वासना र क्षणिक इच्छाहरूको दास बन्नेछ।" हुजैफा (रजिअल्लाहु अन्हु) ले भन्नुभयो: "मैले उमर (रजिअल्लाहु अन्हु) लाई भनेँ: 'तपाईं र ती फित्नाहरूका बीच एउटा बन्द ढोका छ, जुन चाँडै तोडिनेछ।' उमरले सोध्नुभयो: 'के त्यो तोडिने नै छ? यदि खोलिएको मात्र भए त सायद पुनः बन्द गर्न सकिन्थ्यो होला!' मैले भनेँ: 'होइन, त्यो तोडिने नै छ।' अनि मैले उहाँलाई स्पष्ट बताइदिएँ कि त्यो ढोका वास्तवमा एक व्यक्ति हुनुहुन्छ, जसको हत्या हुनेछ वा उहाँको मृत्यु हुनेछ।" हदीसका एक वर्णनकर्ता अबु खालिदले भन्नुहुन्छ: "मैले (आफ्ना गुरु) सादसँग सोधेँ: 'हे अबु मालिक! हदीसमा आएको शब्द ‘अस्वद मुरबाद्द’ को अर्थ के हो?' उहाँले भन्नुभयो: 'कालोपनभित्र सेतो मिसिएर बनेको धमिलो कालो रङ्ग।' मैले फेरि सोधेँ: '‘कुज मुजख्खी’ को अर्थ के हो?' उहाँले जवाफ दिनुभयो: 'उल्टो पारिएको वा घोप्ट्याइएको भाँडो।'"
सही मुस्लिमले वर्णन गरेका छन्
التصنيف الشرعيذَمُّ الهوى والشَّهوات