Encyclopedia of Prophetic Hadiths

«Nebã yεεsg ra wa gɩdg ned baa a yemb yãmb pʋgẽ t'a togs sɩdã, t'a sã n yã sɩdã, maa a bãng-a lame».

«Sɩd-kõtbã sẽn yɩɩd lɩɩmaoong pidbu, yaa sẽn yɩɩd ne zʋg-sõngo, la yãmb sõmblem sẽn yɩɩda, yaa ned ning sõmblem sẽn yɩɩda a pagbẽ wã».

B soka Wẽnd Tẽn-tʋʋm, (Wẽnd pʋʋsg la A tɩlgr be a yĩnga) bũmb ning sẽn waoog n kẽesd nebã arzãn n yɩɩda, t'a yeele: "Yaa Wẽnd zoεεga la zʋg sõngo" la b leb n sok-a yεl nins sẽn yaa wʋsg n kẽesd nebã Bugmẽ wã, t'a yeele: " yaa noorã la taoorã".

"Ned ning sẽn wa n tʋg n wõns a meng ne neba, yẽ me lebga bãmba".

«Beed soaba, yaa b sẽn tẽeg mam yʋʋr a soab nengẽ, t'a pa pʋʋs maam ye».

«Ad sẽn be wẽeng rãmbã pʋgẽ, yaa neb nins dũni yikrã sẽn na n paam-b tɩ b ket n vɩ, la neb nins sẽn rɩk yaadã tɩ yaa miisa».

« Wẽnd rɩka bilgri ne sor sẽn tẽeg tɩrga, la sorã kɩrems a yiibã lals a yiib n be beenẽ, la ragnoy n be lalsẽ wã, sẽn pagse, la ragnoy wã fu-rot n be beene, sẽn lagm n tak n ludi, la sorã noorẽ boaand n be n yetẽ: yãmb ɑ nebã, tũ-y sorã y fãa gilli, la y ra gõdg ye, tɩ boaand a to be sorã yĩngr, t'ɑ sã n rat n na n pak ragnoor ragno-kãensã pʋga la ɑ sẽn yete: gũus f menga, la f ra pak-a ye, ad fo sã n pak-a, f na n kẽ a pʋgẽ, La sorã la lɩslaoongã, la lalsa a yiibã: yɑɑ Wẽnd todsã, la ragnoy nins sẽn pagsã: yaa Wẽnd sẽn gɩdg yεl ninsã, la ad boaand ning sẽn be sorã zugã, yẽ yaa Wẽnd Gafã, la boaand ning sẽn boonda sorã yĩngrã, yẽ yaa Wẽnd zoεεga la A waazo wã sẽn be lɩslaam fãa sũurẽ wã ».

Wẽnd Tẽn-tʋʋmã rag n yɩɩme (Wẽnd pʋʋsg la A tɩlgr be a yĩnga) n wʋsgd n yetẽ: «Yaa muƙallib al-ƙuluub ṯabbit ƙalbiy ʿalaa diinik= Foom a sũyã Toεεmda tablg mam sũurã Fo dĩinã zugu», tɩ mam yeele: Wẽnd Tẽn-tʋʋmã, tõnd kõo sɩd ne foom la fo sẽn wa ne bũmb ningã, la rẽ yĩnga fo yεεsdame tɩ tõnd na menem bɩɩ? La a yeel yã: «n-yee, ad sũyã bee nus-biya a yiib sʋka, sẽn yaa Wẽnd nus-biyã, t'A lεεbd-b A sẽn tʋll to-to».